Vinnureglur starfsnefnda

Á aðalfundi hestamannafélagsins er skipað í starfsnefndir fyrir næsta 12 mánaða tímabil. Skipaðir eru 4-9 nefndarmenn í nefndir eftir umfangi hverrar nefndar. Einn formaður er fyrir hverri nefnd sem ber ábyrgð á að boða til funda og að nefndin skili því sem til er ætlast, einnig skal reynt að hafa a.m.k. einn stjórnarmann í nefnd.

Stórráðsfundur er haldinn með stjórn og formönnum nefnda í byrjun apríl hvers árs, þar sem m.a. formenn kynna dagskrá nefndar sinnar.

Ferða- og fræðslunefnd

·        Nefndin skal halda fyrsta fund starfsársins á tímabilinu 1. - 31. mars það árið, skilyrði er að a.m.k. 50% nefndarmanna mæti á fundinn. Þar skal m.a. tekin fyrir áætlun síðustu nefndar um atburði nefndarinnar á viðkomandi starfsár.

·        Ferða- og fræðslunefnd skal að lágmarki sjá um eftirfarandi á hverju starfsári:

                                  Skemmtikvöld / -ferð (2015 föstudag fyrir hestaþing)

                                  Vorreið ( 2015 Sólveig sér um)

                                  Félagsferð  (2015 Sifi og Palli sjá um)

                                  Folaldasýningu (2015 Sindri og Dóra sjá um)

·       Bent skal á að formaður hefur möguleika á að skipta niður á nefndarmenn utanumhaldi um viðburði þar sem ekki er þörf á að allir sjái um hvern viðburð í einu.

·       Aðrar uppákomur eru sjálfsagðar og til bóta fyrir félagsstarfið, s.s. sumarreiðtúrar og fleiri námskeið ef þátttaka er fyrir hendi. Viðburðum ætti að raða niður á árið þannig að þeir séu þó ekki of þétt.

·       Nefndin skal reka sig áfram á styrkjum og þátttökugjöldum fyrir hvern viðburð.

Reiðskóla- og Æskulýðsnefnd

·        Nefndin skal halda fyrsta fund starfsársins á tímabilinu 1. - 31. mars það árið, skilyrði er að a.m.k. 50% nefndarmanna mæti á fundinn. Þar skal m.a. tekin fyrir áætlun síðustu nefndar um atburði nefndarinnar viðkomandi starfsár.

·        Reiðskóla- og æskulýðsnefnd skal að lágmarki sjá um eftirfarandi á hverju starfsári:

                                  Reiðnámskeið fyrir börnin

                                  Vettvangsferð fyrir börnin

                                Umsjón með þátttöku á Hestafjöri Sunnlendinga

                                  Reiðskóla Sindra

                                  Æskulýðsmót á Sindravelli / kennsla fyrir mót.

                                  Uppskeruhátíð/skemmtikvöld

·        Bent skal á að formaður hefur möguleika á að skipta niður

          á nefndarmenn utanumhaldi um viðburði þar sem ekki er þörf á að                                                                        .         allir sjái um hvern viðburð í einu.

·       Aðrar uppákomur eru sjálfsagðar og til bóta fyrir barnastarfið, s.s. skemmtikvöld/miðdagur, reiðtúrar, o.fl.  Viðburðum ætti að raða niður á árið þannig að þeir séu þó ekki of þétt.

·       Nefndin skal reka sig áfram á styrkjum og þátttökugjöldum fyrir hvern viðburð.  Sækja þarf árlega um styrk frá æskulýðssjóði USVS, Mýrdalshreppi, Rangárþingi og héraðsnefnda Rangárþings og V-Skaftafellssýslu.

Mótanefnd

·        Nefndin skal halda fyrsta fund starfsársins á tímabilinu 1. - 31. mars það árið, skilyrði er að a.m.k. 50% nefndarmanna mæti á fundinn. Þar skal m.a. tekin fyrir áætlun síðustu nefndar um atburði nefndarinnar á viðkomandi starfsár.

·        Mótanefnd skal að lágmarki sjá um eftirfarandi á hverju starfsári:

                                  3 vetrarmót

                               4gangs/5gangs mót

                                  Firmakeppni

                                  Hestaþing Sindra

·        Bent skal á að formaður hefur möguleika á að skipta niður viðburðum á nefndarmenn þar sem ekki er þörf á að allir sjái um hvern viðburð í einu. Mótanefnd skal fara eftir reglum hmf. Sindra um mót.

·       Aðrar uppákomur eru sjálfsagðar og til bóta fyrir félagsstarfið.

·       Mótanefnd skal sjá um að boða vallarnefnd á fund sinn til að ákveða þær framkvæmdir sem þarf að framkvæma fyrir mót ársins.

·       Nefndin skal reka sig áfram á styrkjum og þátttökugjöldum fyrir hvern viðburð.

Vallarnefnd

·        Vallarnefnd skal að lágmarki sjá um eftirfarandi á hverju starfsári:

                               1   Að Sindravöllur sé klár (valtaður) fyrir             

                                  keppnistímabilið.

                               2.  Að hús séu heil og óskemmd.

                               3.  Að girðingar haldi.

                            4.  Frágangur fyrir veturinn ( Klósett, lausir hlutir úti við)

·        Nefndin skal sitja fund með mótanefnd sem formaður mótanefndar boðar til.

·       Nefndin skal rekin af sjóði hestamannafélagsins og raunhæft áætlað til verka ár hvert.

Reiðvega- og áningagerðisnefnd

·        Nefndin skal halda fyrsta fund starfsársins á tímabilinu 1. - 31. mars það árið, fullnægjandi er þó að nefndin sé í tölvupóstsambandi. Tekið skal fyrir hvar skuli leggjast til framkvæmda þetta árið og sótt um styrk vegna verksins.

·        Reiðveganefnd skal sjá um eftirfarandi á hverju starfsári:

                                 * Að sækja styrki til Vegagerðarinnar, Mýrdalshrepps

                                  og Rangárþings til reiðvegagerðar.

                                 * Finna verktaka til verksins og nýta styrki til

                                  reiðvegagerðar á þeim svæðum sem þykir brýnast að

                                  leggja reiðvegi.

                                  *Viðhald reiðvega.                                            

·       Nefndin skal alfarið rekin á styrkjum til reiðvegagerða.