Stórsýning sunnlenskra hestamanna verður haldin í Rangárhöllinni
á Hellu á skírdagskvöld, hinn 2. apríl næstkomandi. Það er
Rangárhöllin sem gengst fyrir sýningunni í samstarfi við sunnlenska
hestamenn og hrossaræktendur. Dagskrá sýningarinnar verður kynnt á næstu dögum, en stefnt er að því að þarna komi fram úrval hrossa
af Suðurlandi, stóðhestar, gæðingar, ræktunarhópar og
afkvæmahópar.

Sérstök áhersla verður lögð á að kynna unga stóðhesta, á
fjórða og fimmta vetur, og einnig munu koma fram eldri og þekktari
hestar sem þegar hafa sannað gildi sitt sem afkvæmahestar. Nokkrir
þekktir stóðhestar verða einnig hafðir til sýnis í hléi þar sem
gestir munu geta virt þá fyrir sér í návígi.

Á næstu dögum verður haft samband við fjölda hrossaræktenda og
eigenda hesta vegna sýningarinnar, en áhugasamir eru einnig hvattir
til að hafa samband við Kristinn Guðnason í Árbæjarhjáleigu til
að fá frekari upplýsingar. Engin skráningargjöld verða tekin vegna
hesta sem taka þátt og verði aðgöngumiða verður mjög stillt í
hóf.

Aðstandendur sýningarinnar hvetja hestamenn til að taka kvöldið
frá, þetta er á skírdagskvöld í miðri páskahelginni og
örugglega verður mikil umferð hestamanna um héraðið þessa daga og margir byrjaðir að huga að stóðhestanotkun fyrir vorið og
sumarið. Nánari fréttir munu berast næstu daga.

Ágætu Sindrafélagar,

Við ætlum að fara í hestaskemmtiferð helgina 14.-16. ágúst 2015.

Ágætt væri ef hver og einn væri með 2 hesta (ekki rekstur).

Riðið verður frá Hótel Fljótshlíð föstudaginn 14. um kl. 12.

Riðnir verða ca. 20 km.  Fólk gistir á Hótel Fljótshlíð, en hestar skildir eftir í haga. Á laugardeginum verða hestar sóttir og riðið að Hótel Fjótshlíð, ca 20 km. Gist þar. Á sunnudeginum er húsunum skilað fyrir kl. 12 og farið heim.

Búið er að taka frá 3 sumarhús

Aldurstakmark er 13 ára

Áhugasamir hafið samband í síma 898-1809 (Ása)

Ferðanefnd

Sifi, Páll Heiðar og Ása

Æfingabúðir fyrir Sindrakrakka verða helgina 13.-15. febrúar næstkomandi í Árbæjarhjáleigu, kennari er Hekla Katarína Kristinsdóttir.
Allir krakkar innan félagsins velkomnir en þurfa að sjálfsögðu að hafa hest. 
Börn yngri en 8 ára þurfa að vera í fylgd foreldra.
Þátttökukostnaður er einungis 8000.- á mann og svo er 2000.- systkina afsláttur. 
Upplýsingar og skráning hjá Hjördísi Rut á sudur-foss@simnet.is og í s: 861-029 eða hjá Vilborgu á isbud@simnet.is og í s: 867-1486
Skráningarfrestur er til 5. febrúar.

UPPSKERUHÁTÍÐ HESTAMANNA - MIÐASÖLU LÝKUR 6. JANÚAR!

Uppskeruhátíð hestamanna verður haldin á Gullhömrum í Grafarholti 10. janúar næstkomandi. Gullhamrar er einn glæsilegasti veitinga- og veislustaður á landinu í dag og ætti því enginn að láta sig vanta á þessa frábæru hátíð okkar. Dagskráin verður með sama móti og venjulega. Verðlaunaafhendingin verður á sínum stað, dýrindis þriggja rétta máltíð og að sjálfsögðu dönsum við saman langt fram eftir nóttu eins og okkur hestamönnum er einum lagið.

Viðburðinn er hægt að finna á facebook:https://www.facebook.com/events/395865530579934/

Hinn þjóðþekkti sjónvarpsmaður Gísli Einarsson verður veislustjóri og svo mun hljómsveitin Rokk halda uppi fjörinu, en í henni eru þeir:
Hreimur Örn - gítar og söngur
Pálmi Sigurhjartarson - píanó og söngur
Benedikt Brynleifsson - trommur
Róbert Þórhallsson - bassi
Vignir Snær - gítar og söngur


Þriggja rétta máltíðin verður með glæsilegu móti:
Forréttur - Austurlensk sjávarréttasúpa með karrí og kókos
Aðalréttur - Lambahryggvöðvi með kartöfluköku, steiktum skógarsveppum og lambasoðsósu
Ábætisréttur - Suðrænn kókosdraumur með berjablöndu og crumble.

Ekki láta þig vanta á eina glæsilegustu uppskeruhátíð til þessa!
Fyrstir koma fyrstir fá!
Miðasalan fer fram á gullhamrar@gullhamrar.is eða í síma 517-9090
Miða og borðapantanir verða til kl. 18, þriðjudaginn 6. janúar.

Miðar verða afhentir miðvikudaginn 7. janúar í Gullhömrum.

Verð: 9600 kr.

Selt inn á dansleik frá 23.30. Verð 2.500 krónur

Gestir þurfa að senda kvittun á gullhamrar@gullhamrar.is og þá verður tekið frá borð á þeirra nafni.

Borðaröðun fer fram þegar miðasölu lýkur!

Hópar og einstaklingar á Skötumessu á Hellu

Reiðmenn og starfsmannahópar skemmtum okkur saman.

Föstudaginn 5. desember nk. verður haldin þjóðleg Skötumessa á Hellu. Tilefnið er að fólk og vinnufélagar hittist og eigi góða stund saman þar sem í boði verða þjóðlegir réttir sem æ sjaldnar sjást á borðum, kæst skata, saltfiskur og plokkfiskur með tilheyrandi kartöflum, rófum og hamsatólg og köldu Brennivíni. Í eftirrétt verður boðið upp á ábresti með kanil að góðum íslenskum sið.

Skemmtunin fer fram í Íþróttahúsinu á Hellu og hefst kl. 20.00.  Gestir eru hvattir til,  að klæða sig að reiðmannasið og verða mögnuðustu búningarnir verðlaunaðir sérstaklega.

Að loknu borðhaldi verður boðið uppá happdrætti með stórglæsilegum vinningum, hestavörum, hótelgistingu, kvöldverðir á góðum veitingastöðum, folatollar og margt fleira. Að mat loknum verður glæsileg skemmtidagskrá þar sem heimamenn og gestir fara á kostum.

Dagskrá;

·         Harmonikkuunnendur,  Jói og Grétar frá Áshól.

·         Ómar og Lilja Margrét flytja falleg dægurlög.

·         Bubbi á Hellu með eftirhermur.

·         Hermann Árnason, sögur af hestamönnum.

·         Beggi blindi fer með gamanmál.

·         Keli á Snjallsteinshöfða spilar, syngur og stjórnar fjöldasöng.

·         Veislustjóri Ásmundur Friðriksson alþingismaður.

Í tilefni af Skötumessunni verða gistiaðilar á Hellu með sérstakt tilboð á gistingu  til þeirra sem vilja gera sér glaðan dag og dvelja um nótt á Hellu. Upplýsingar um gistingu á Hellu má finna á www.stractahotels.is, www.southdoor.is, www.ok-gisting.is

Undirbúningsnefndin hefur fundið fyrir miklum áhuga fólks um allt Suðurland og til höfuðborgarinnar og heyrst hefur af starfsmannahópum og reiðfélögum sem koma saman svo það er vissara að tryggja sér miða í tíma á eitt glæsilegasta skötukvöld ársins á Íslandi.

Mikilvægt er að þeir sem vilja tryggja sér miða og sæti á Skötumessuna gera það sem fyrst með því að greiða kr. 5.000 á mann inn á reikning;  0372-13-700064 og kt. 250867-4769.

Prenta síðan út kvittun fyrir innlegginu og hún er síðan aðgöngumiðinn á skemmtunina en þar er frjálst sætaval.

Frekari upplýsingar veitir undirbúningsnefndin.

Ásmundur Friðriksson, Kristinn Guðnason, Anna María Kristjánsd, Inga Jóna Kristinsd.

s. 8943900                      s.8471179                s.8615221                       s.8645226

Afkvæmi hennar í 1. verðlaunum eru þau:
IS2007184162 - Skýr frá Skálakoti Ae. 8,7
F: Sólon frá Skáney  Ae. 8,48 - Heiðursverðlaun

IS2009284162 - Sonnetta frá Skálakoti
F: Glotti frá Sveinatungu Ae. 8,64

Folaldasýning Hmf-Sindra verður haldin
í Skálakoti sunnudaginn 9. nóv og byrjar stundvíslega kl 11.
Tekið er við skráningum til miðnættis fimmtudaginn  6. nóv hjá Dóru
á e-mail: dorajg@simnet.is og í s: 895-5738
Skráningargjald á hvert folald er 1,000 kr.
Vinsamlega leggið inn á reikning 0317-26-7622 kt: 540776-0169 og sendið staðfestingu á greiðslu til: dorajg@simnet.is
ATH
Folald þarf að vera grunnskráð í WorldFeng og
í eigu félagsmanns til að geta tekið þátt.
Dómari verður Kristinn Guðnason
Súpa og drykkjarföng á góðu verði í hléi.

Strax eftir matarhlé stýrir Kristinn uppboði á svartarnhöfðóttri gimbur sem var gefin til styrktar Hmf-Sindra

Gimbur 35Z17-1421

F: Benni frá Sólheimakoti 44Z17-1211
M: Þruma frá Eyjarhólum 35Z17-2008
Þruma er undan Skessu frá Stóru-Heiði og Núpi 08-305

Að sjálfsögðu er gimbrin tvílembingur og vigtaði 45,2 kg og
systir hennar (líka arnhöfðótt) 45,4 kg

Folaldasýning Hmf-Sindra verður haldin

í Skálakoti sunnudaginn 9. nóv og byrjar stundvíslega kl 11.

Tekið er við skráningum til miðnættis 5. nóv hjá Dóru

á e-mail: dorajg@simnet.is og í s: 895-5738  

Skráningargjald á hvert folald er 1,000 kr.

Vinsamlega leggið inn á reikning 0317-26-7622 kt: 540776-0169 og sendið staðfestingu á greiðslu til: dorajg@simnet.is

ATH

Folald þarf að vera grunnskráð í WorldFeng og

í eigu félagsmanns til að geta tekið þátt.

Dómari verður Kristinn Guðnason

Súpa og drykkjarföng á góðu verði í hléi.

Föstudaginn 8. ágúst héldu 22 vaskir sveinar og pæjur í hina árlegu hestaferð Hestamannafélagsins Sindra.

 Farið var frá Njálsbúð kl 16 og riðið í átt að Grímsstöðum með nokkrum góðum stoppum. Komið var í hlað á Grímsstöðum kl. 19. Þá keyrðu þeir þorstaheftu liðið í Njálsbúð þar sem borinn var fram matur sem allir hjálpuðust við að framreiða. Síðan var setið að spjalli fram eftir nóttu ásamt heimamönnum.

LAUGARDAGUR ákaflega fagur
Ræs kl. 9. Þeir þorstaheftu keyrðu liðið að Grímsstöðum eftir morgunmat.
Riðið var á bökkum Hólsár í nokkrum stuttum áföngum að Ártúnum. Menn og hestar stilltu sig af þar, en við áttum að vera mætt í Ármót kl 14 í dýrindis kjötsúpu. Þar fengum við einnig góða leiðsögn um hesthúsið, reiðhöllina og skoðuðum merar sem voru í hólfi rétt hjá. Síðan var haldið í heimsókn til Orra frá Þúfu og honum klappað í bak og fyrir. Anna bóndi í Þúfu sagði okkur sögur af honum. Þaðan var riðið í Njálsbúð í nokkrum stuttum áföngum. Í Njálsbúð fóru sumir að grilla en aðrir fóru með hrossin að Strönd þar sem þau voru í nátthaga.
Góð kvöldvaka með gítarleik og sagðar skemmtilegar sögur af sveitungum

SUNNUDAGUR
Eftir morgunmat fóru menn að pakka saman og þrífa húsið. Sumir fóru ríðandi heim, aðrir keyrðu hestana sína heim.
Takk fyrir okkur
Ferðanefnd