24.10.2012 14:12
Við hestamenn eigum víða undir högg að sækja!
Núna á að láta reiðvegi okkar hverfa úr umferðarlögum.
Það er auðvitað stóralvarlegt mál og mikið hagsmunamál að svo verði ekki.
Nú er verið að skora á alla hestamenn, og aðra þá sem láta sig þetta varða, að senda inn athugasemd/mótmæli vegna þessa.
Auðvitað getur hver og einn orðað þau eins og hann vill en til hægðarauka hefur verið settur upp neðangreindur texti fyrir þá sem það vilja.
Mjög einfalt bara að afrita neðangreint, setja svo inn nafn og kennitölu og senda á póstfangið sem kemur fram í textanum.
Tökum öll þátt í þessu.
Nefndasvið Alþingis
Umhverfis- og samgöngunefnd Alþingis
nefndasvid@althingi.is
Frumvarp til umferðarlaga 179. mál.
Í frumvarpi til nýrra umferðalaga er ekki að finna skilgreiningu á reiðvegum eða neitt er varðar réttarstöðu ríðandi umferðar á skilgreindum reiðvegum, stígum eða slóðum og geri ég undirritaður alvarlegar athugasemdir við að svo sé ekki.
Það verður að rúmast í nýjum umferðarlögum ákvæði þess efnis að akstur vélknúinna ökutækja sé óheimill á skilgreindum reiðstígum og slóðum.
Virðingarfyllst
Nafn:
Kt:24.08.2012 15:13
13.00 - Pollaflokkur
13.20 - Fjórgangur opinn flokkur, unglingar, börn
13.50 - Fimmgangur opinn flokkur, unglingar
14.15 - Tölt opinn flokkur, unglingar, börn
15.00 - Hlé
15.30 - úrslit fjórgangur opinn flokkur
16.00 - úrslit fjórgangur unglingar
16.30 - úrslit fjórgangur börn
17.00 - úrslit fimmgangur unglingar og opinn flokkur
17.30 - úrslit tölt opinn flokkur
17.55 - úrslit tölt unglingar
18.20 - úrslit tölt börn
18.45 - 100 m skeið
22.08.2012 15:31
Sunnudaginn
26. ágúst kl 13 verður Héraðsmót USVS í hestaíþróttum á Sindravelli.
Keppt verður í barnaflokki (fjórgangur og tölt), unglingaflokki (fjórgangur, fimmgangur
og tölt) og opnum flokki (fjór- fimmgangur og tölt).
Í öllum flokkum
verða 3 keppendur inni á vellinum í einu og riðið eftir þul.
Í lok dags
verður svo keppt í 100m fljótandi skeiði.
Ákveðið hefur verið að bjóða
upp á pollaflokk en þau munu ríða ca 2 hringi á vellinum með frjálsri
aðferð.
Ef ekki er næg þátttaka í einhverri grein fellur hún niður.
Skráning hjá Krístinu Lár á netfangið fljotar@simnet.is fyrir kl 21:00
fimmtudaginn 23. ágúst.
Vonumst til að sjá sem allra flesta bæði keppendur og áhorfendur.
Hestamannafélögin Sindri og Kópur
04.07.2012 23:27
FÉLAGSFERÐ HMF-SINDRA 2012
Árleg félagsferð Sindra verður farin dagana 10-12. ágúst nk.
Stefnan að þessu sinni er tekin til Vestmannaeyja.
Þar ætla þau Páll Heiðar og Ása taka á móti okkur og hestarnir verða geymdir
hjá þeim.
Skátastykkið
http://skatar.is/faxi/default.asp?ItemGroupID=242&ItemID=1471hefur verið bókað þessa helgi.
Svo að öruggt pláss sé með Herjólfi til og frá Eyjum er skráningarfrestur til
og með 12. júlí!!!!!
Nánari upplýsingar og skráningar eru hjá:
Ásu og Palla í síma 8981809
Láru í síma 8634310
fyrir hönd ferða og fræðslunefndar
Lára Oddsteinsdóttir
04.07.2012 23:26
KVÖLDREIÐTÚR
Áætlað er að fara fyrri kvöldreiðtúr sumarsins næsta laugardagskvöld 7. júlí.
Heiðar Þór og fjölsk. á Efstu-Grund ætla að lóðsa menn og hesta eitthvað um
svæðið þar í kring.
Lagt verður af stað í reiðtúrinn klukkan 21:00 frá Efstu-Grund.
Skráning er til og með næsta föstudags, hjá Sifa í síma 8450980.
með von um ánægjulega kvöldstund
Ferða og fræðslunefnd.
19.06.2012 12:15
Hópreið hestamannafélaga verður fimmtudagskvöldið 28. júní en þá fer setningarathöfn mótsins fram.
Að venju verða meðal þátttakenda fulltrúar hestamannafélaganna og samtaka og félaga sem tengjast
hestamennskunni.
Það er von mótstjórnar LM 2012 að hestamannafélögin sjái sér fært að taka myndarlega þátt í þessum ómissandi þætti allra landsmóta.
Þátttaka í hópreiðinni miðast við að hvert félag hafi einn fánabera ogað lágmarki fimm reiðmenn í röð. Fjöldi frá hverju félagi þarf því að taka mið af þessari uppsetningu, t.a.m. 6 þátttakendur, 11, 16, 21
osfrv.
Allir þátttakendur hópreiðar skulu vera í félagsbúningi viðkomandi félags.
Til stendur að Sindri verði með í Hópreiðinni.
Þorsteinn Björn ætlar að vera fánaberi félagsins (þar sem hann á afmæli þennan dag) og ef
það vilja fleiri vera með endilega látið mig vita sem fyrst. Það eru allir velkomnir.
Með félagskveðju
Petra formaður
19.06.2012 12:11
Heilbrigðisskoðun keppnishesta á Landsmóti 2012
"Klár í keppni"
Öll hross sem keppa í A fl. gæðinga, B fl. gæðinga,ungmennaflokki, tölti og skeiði á LM 2012 skulu undirgangast dýralæknisskoðun þar sem metið er hvort þau séu hæf til keppni.
Keppendur í öðrum greinum geta að eigin ósk mætt með hross sín í skoðun.
Skoðunin skal fara fram 2 - 24 tímum fyrir hverja keppnisgrein í undankeppni. Fyrir milliriðla og úrslit fer skoðunin fram einum til tveimur tímum fyrir keppni.
Ábyrgðardýralæknir mótsins hefur yfirumsjón með þessum skoðunum og öðru sem snertir
dýravernd á mótinu. Hann skal ævinlega kallaður til ef vafi leikur á hvort hestur sé hæfur til
keppni og veita dómurum ráðgjöf eftir þörfum.
Heilbrigðisskoðunin felur í sér eftirfarandi atriði:
1. Skoðun á almennu ástandi (holdafari, eitlum, öndun auk líkamshita og hjartahljóða ef
ástæða er til)
2. Fætur þreifaðir og heltiskoðun (hreyfingar á feti og brokki á hörðu undirlagi)
3. Skoðun á munni (fremsti hluti munnsins án deyfingar)
Ef einhver eftirfarandi atriða finnast er hestur dæmdur "óhæfur til keppni" og fær ekki að fara inn á keppnisvöllinn:
1. Horaður (undir 2,5 í holdastigun), hiti, óeðlileg öndun og hjartahljóð, bólgnir eitlar
2. Helti, bólga í sinum og liðum, dýpri sár, aumir hófar
3. Umfangsmikil, djúp eða krónísk sár í munni. Beinhimnubólga og/eða sár yfir kjálkabeini á
tannlausa bilinu.
4. Annað sem að mati dýralæknis mótsins gerir hross óhæft til keppni
Ákvörðun um að hestur sé "óhæfur til keppni" er tekin af ábyrgðardýralækni mótsins. Hestur
sem hefur verið dæmdur "óhæfur til keppni" í einni grein má ekki keppa í neinu öðru né koma fram á nokkurri sýningu á sama móti.
Tímasetningar heilbrigðisskoðana:
Sunnudagur 24. júní 11.00 - 21.00
Mánudagur 25. júní 07.00 - 21.00
Þriðjudagur 26. júní 07.00 - 21.00
Miðvikudagur 27. júní 07.00 - 17.00
Fimmtudagur 28. júní 08.00 - 17.00
Föstudagur 29. júní 12.00 - 15.00
Laugardagur 30. júní 17.00 - 20.00
Sunnudagur 1. júlí 09.00 - 14.00
Frekari kynning verður á knapafundi sunnudaginn 24.júní.
