Hlynur Guðmundsson, sem er með tamningastöð í Nykhól, skellti sér í úrtöku fyrir þá Allra sterkustu fimmtudaginn 28. mars.
Þar nældi hann sér í 4-5. sæti á fótaburðarhryssunni Þyrlu frá Böðmóðsstöðum og þar með þátttökurétt á Ístöltinu næsta laugardag, 6. apríl.
Þarna verður mikill stjörnufans enda eru margir þekktustu knapar landsins þegar skráðir til leiks.
Miðasalan er í fullum gangi í hestavöruverslunum. Fyrir þá sem koma lengra að er hægt að kaupa miða í gegnum síma hjá LH í síma 514 4030 og gefa upp kortanúmer. Á öllum sölustöðum er hægt að fá tilboð: 1x aðgöngumiði + 2x happdrættismiði = 5.000 kr. Allur ágóði mótsins og happdrættisins rennur að venju til landsliðs Íslands í hestaíþróttum.

Minnum einnig á happdrættið - þar er aðalvinningurinn folatollur undir snillinginn Arion frá Eystra-Fróðholti, hvorki meira né minna!

Geta má þess í framhjáhlaupi að eftir Ístöltið verður dansleikur á SPOT í Kópavogi og munu áhorfendur fá aðgöngumiðann á ballið á 1.000 kr. ef þeir framvísa afrifu úr mótsskrá.

Einhverjir Sindrafélagar ætla að skella sér á pallana og hvetja okkar mann áfram!

FEIF Youth Camp í Noregi 2013

FEIF Youth Camp sumarbúðirnar verða haldnar dagana 22. - 29. júlí 2013 í vesturhluta Noregs, milli Álasunds og Moldö. Þetta eru sumarbúðir fyrir hestakrakka á aldrinum 13-17 ára á árinu og markmið þeirra er að kynna krakka frá aðildarlöndum FEIF fyrir (hesta)menningu annara þjóða og að hitta ungt fólk með sama áhugamál.

Það er norska Íslandshestasambandið í samstarfi við þjálfunarstöðvarnar Kjersem og SP og hestamannafélagið á staðnum, Vestnes. Gistingin verður til að mynda í Kjersem.

Það sem krakkarnir munu hafa fyrir stafni í Noregi er til dæmis þetta:

2 reiðtúrar á íslenskum hestum í hinum stórfenglegu norsku fjöllum

Fjallganga upp á eitt fallegasta fjall Noregs með leiðsögumanni sem hefur klifið Mount Everest

Fræðsla um tamningu hesta

Dagsheimsókn til heimsmeistarans Stians Pedersen

Farið í viðarkyntan heitan pott

Skoðunar- og verslunarferð í Ålesund

Þjálfað fyrir litla keppni

Geirangursfjörður heimsóttur en hann er sannarlega fallegur staður og er m.a. á heimsminjaskrá UNESCO

Grillkvöld og margt fleira!

Umsóknarfrestur um að fara út fyrir Íslands hönd er til 5. apríl 2013 og skulu umsóknirnar berast á netfangið hilda@landsmot.is fyrir þann tíma.

Umsóknareyðublað er að finna á vef LH, www.lhhestar.is undir Æskulýðsmál. Einnig hægt að nálgast umsóknina með því að smella hér.

Kostnaður við búðirnar er ?550 sem er fæði, uppihald og allar ferðir og afþreying í Noregi. Flug og ferðir til og frá FEIF YC staðnum í Noregi eru ekki innifaldar.

Skrifstofa LH veitir allar nánari upplýsingar í síma 514 4030 eða í gegnum netfangið hilda@landsmot.is.

Kæru félagar

Við viljum minna á að í dag er loka skráningarfrestur í æfingabúðirnar okkar sem verða 12-14 apríl.
Í framhaldi af því tökum við þátt í Hestafjöri og verðum með sýningu þar.
Kostnaður er í algjöru lágmarki þar sem við höfum fengið styrk til ferðarinnar, því er um að gera að nýta sér tækifærið og fá kennslu og skemmtun nánast frítt ;-)
Einnig er loka skráningarfrestur í HM ferðina sem er auglýst nánar hér aðeins neðar.
Skráning skal berast fyrir kl 22:00 í kvöld á sudur-foss@simnet.is eða isbud@simnet.is

Firmakeppni Hestamannafélagsins Kóps 2013

Laugardaginn 13. apríl verður Firmakeppni Hestamannafélagsins Kóps haldin á Sólvöllum.
Keppni hefst klukkan 13:30 og keppt verður í eftirfarandi flokkum:

Barna-, unglinga-, unghrossa- og opnum flokki.

Skráningar þurfa að berast í síðasta lagi fimmtudaginn 11. apríl til Sigurðar Hörgslandi II, Fanneyjar Ólafar Kirkjubæjarklaustri II eða Pálínu Mýrum.

Sigurður: horgsland2@simnet.is eða 861 9072
Fanney Ólöf: fanneyolof@gmail.com eða 894 1560
Pálína: palinapalsd@hotmail.com eða 867 4919

Bestu kveðjur,
Firmanefnd

Páskabingó Berlínarfara fór fram í kvöld og gekk framar vonum. Petra og Sigríður Ingibjörg stýrðu bingóinu af röggsemi og þær Elín, Ólöf og Þuríður seldu bingóspjöldin með mikilli sölukænsku, alls söfnuðust kr 64.011.- sem renna beint í sjóð Berlínarfara.   Um 100 manns mættu til þess að spila um girnileg eggin og var því vinningshlutfallið í lægra lagi, þó fengu allir 12 ára og yngri, sem ekki höfðu fengið bingó allt kvöldið, egg með sér heim í sárabætur.

Gleðilega páska
Berlínarfarar

Fyrirhugað er að fara í skemmtiferð þann 5. apríl n.k. ef næg þátttaka næst.  
Ferðatilhögun er á þá leið að lagt verður af stað frá Vík kl 13:00, farin verður skoðunarferð um forvitnilegt ræktunarbú og tekin út aðstaða þess.
Einnig verður stoppað við á öðrum góðum stað og fenginn stuttur fyrirlestur um allt og ekkert.
Þá er stefnan tekin á Meistaradeildina þar sem verður slaktaumatölt, skeið og lokagleðskapur deildarinnar. Þátttökugjöld verða í lágmarki.
Lofa nýjustu stjórnarmeðlimir mikilli stemmingu og munu taka lagið saman ef hvatningin verður næg. Í skoðun er að útvega einnig far um kl 16:00, fyrir þá sem ekki geta lagt af stað svona snemma, beina leið á Meistaradeildina.
Vinsamlegast látið vita um þátttöku fyrir 1. apríl n.k. hjá Vilborgu á e-mailið isbud@simnet.is.
Vinsamlegast tilgreinið hvort þið getið komið með frá kl 13:00 eða ekki fyrr en kl 16:00.

Með kveðju
Stjórnin

Æfingabúðir reiðskóla- og æskulýðsnefndar Sindra

Æfingabúðir fyrir sindrakrakka verða helgina 12.-14. apríl næstkomandi.
Farið verður í sumarhús á Hellu, reiðkennsla hjá Sylvíu Sigurbjörnsdóttur og svo endað á hestafjöri á Selfossi á sunnudeginum.
Allir krakkar innan félagsins velkomnir en þurfa að sjálfsögðu að hafa hest.
Börn yngri en 8 ára þurfa að vera í fylgd foreldra.
Upplýsingar og skráning hjá Hjördísi Rut á sudur-foss@simnet.is og í s: 861-0294 eða hjá Vilborgu á isbud@simnet.is og í s: 867-1486
Skráningarfrestur er til 3. apríl.

Krakkar á aldrinum 14-21 (fædd 1999 og eldri)

Vegna forfalla er eitt sæti laust með unglingahópnum (10 unglingar, 5 fullorðnir) sem er að fara til Berlínar í sumar 6.-13. ágúst. Innifalið í sætinu er: Far á og frá flugvellinum, flug til og frá Berlín, gisting og morgunmatur í Berlín allar næturnar, lestarferðir í Berlín, vikuaðgöngumiði á HM í Berlín og hádegis og kvöldmatur alla dagana. Þetta er pakki með öllu og ætti því að þurfa verulega lítinn farareyri meðferðis.
Þar sem fjáröflunin til þessa er nú þegar hálfnuð mun sætið kosta 60.000.- miðað við að viðkomandi taki þátt í fjáröfluninni sem eftir er. Þó eru ýmsir möguleikar í stöðunni sem breytt geta verði miðans. Ef áhugi er fyrir að fá sætið vinsamlegast hafið samband við Vilborgu (isbud@simnet.is, s:867-1486) eða Hjördísi (sudur-foss@simnet.is, s: 861-0294)
Umsóknir skulu berast eigi síðar en 3. apríl.
Það skal þó tekið fram að þar sem aðeins er 1 sæti laust verður dregið úr þeim umsóknum sem koma.
Með kveðju
Æskulýðsnefnd hmf. Sindra

3. vetrarmót Sindra verður haldið á Sindravelli laugardaginn 30. mars kl 11:00

Keppt verður í pollar, börn, unglingar, meira vanir og minna vanir

Skráningargjald 1000 kr. á hest í flokka minna og meira vanir

Dóra tekur við greiðslu á staðnum fyrir keppni.

Einnig verða haldnar páskakappreiðar, keppt verður í 100m skeiði og 100m brokki

Skráning hjá Dóru á netfangið dorajg@simnet.is fyrir kl 20:00 á föstudag

Mótanefnd

9.-11. ágúst 2013  

Farið um Vestur-Landeyjar

FÖSTUDAGUR:

Húsið í Njálsbúð opnar á hádegi. Fólk hittist, kemur sér fyrir og lagt af stað í reiðtúr uppúr kl. 16. Riðið í átt að Hólsá, vegalengd u.þ.b. 10 km. Hrossin skilin eftir í nátthaga en fólk gistir í Njálsbúð. Léttur sameiginlegur kvöldmatur.

LAUGARDAGUR:

Lagt af stað þegar fólk er tilbúið. Riðið upp með Hólsá og Þverá. Stefnt að því að stoppa í Ármóti. Frá Ármóti er riðið í Njálsbúð og gist þar. Vegalengd u.þ.b. 22 km.

SUNNUDAGUR:

Árbítur, pakkað saman og húsin þrifið. Frjálst val, hvort fólk ríður að réttinni við Hemlu og ferðalok þar eða hestarnir teknir á kerru í Njálsbúð.
Vegalengd u.þ.b. 9 km.

Fólk sér um sig sjálft í nesti, morgunmat og drykk.
Reiknað er með 1-2 hestum á mann.
Aldurstakmark er 13 ára á árinu.
Skráning og nánari upplýsingar veita Palli og Ása í s: 898-1809

Kæru foreldrar barna 10-13 ára

Æskulýðsnefnd ætlar að standa fyrir "námskeiði" (ekki lærður kennari þó) sunnudaginn
24. febrúar kl 16:00 í græna hesthúsinu í Vík.
Aðal atriði námskeiðsins er að hittast og hafa gaman saman á hestunum okkar og þjappa hópinn betur saman, áætlaður tími er c.a. 2 klst.
Öll félagsbörn á aldrinum 10-13 ára (barnaflokkur) eru velkomin með hesta sína, þeir sem ekki hafa tök á því að koma með hest eru samt sem áður velkomnir.

Með kveðju
f.h. æskulýðsnefndar Sindra
Vilborg