Hestamannafélagið Sindri


Færslur: 2012 Apríl

26.04.2012 20:11

Reiðtúr æskulýðsins

Við þökkum ykkur öllum krakkar sem komuð með okkur í þennan skemmtilega reiðtúr, þetta var ljómandi gaman. Veðrið var eins og best verður á kosið og allir brosandi hringinn. Fararstjórar voru Vilborg og Ásta Alda og í för voru alls 13 krakkar þar af 3 strákar sem héldu utan um stelpuhópinn. Riðið var að Klifandi en áð við Flúðarnef þar sem við fundum Svala og Prince póló undir steini:-) Ekki var mikið verið að hangsa og riðið ákveðið heim, reiðtúrinn tók 1 klst og held ég að bæði menn og hestar hafi farið sæl heim.


f.h. Æskulýðsnefndar

24.04.2012 18:07

Fundur Berlínarfara

Boðað er til fyrsta fundar varðandi fyrirhugaðrar HM ferðar 2013, á morgun miðvikudaginn 25. Apríl. Kl. 20:30 í grunnskólanum. Efni fundarins eru fjáröflunarleiðir ofl.


Með kveðju æskulýðsnefnd.

23.04.2012 14:11

frestun æskulýðsreiðtúrs

Vegna óviðráðanlegra ástæðna verður að fresta æskulýðsreiðtúrnum... því verður farið frá hesthúsinu hans Árna Gunnars kl 18:00 á fimmtudaginn.

 

Við biðjumst velvirðingar á hringlinu og stuttum fyrirvara.

 

Með kveðju æskulýðsnefnd.

17.04.2012 19:03

Skemmtireiðtúr æskulýðsins

Jæja krakkar

 

Æskulýðsnefnd flautar til skemmtireiðtúrs mánudaginn 23. Apríl næst komandi. Farið verður frá húsinu hans Árna Gunnars kl 18:00 og farinn góður reiðtúr.

 

Okkur hlakkar til að hitta ykkur.

 

Kveðja æskulýðsnefnd hmf. Sindra

12.04.2012 23:28

Firmakeppni Sindra

Laugardaginn 21. apríl 2012 verður Firmakeppni Sindra haldinn á Sindravelli.

Keppni hefst kl 14:00

Flokkar verða í þessari röð: pollar, börn, unglingar, konur, karlar og unghross.
Pollar, börn, unglingar og unghross keppa á hringvellinum en karlar og
konur á hlaupabrautinni.
Dómarar eiga að horfa í FEGURÐ Í REIÐ þannig að ekki skiptir máli
hvort hross er á tölti, brokki eða jafnvel skeiði.
Miðað er við að
hver knapi í kvenna- og karlaflokki fari 2x fram og til baka.
Í öðrum flokkum verða 3-4 hross (fer eftir þátttöku) inni á
hringvellinum í einu og þulur lætur vita þegar dómarar hafa séð nóg.
Miðað er við 2-3 hringi á hvert holl.
Hægt er að skrá fyrirfram á netfangið solheimar2@gmail.com
eða á Sindravelli milli
13:00-14:00 á keppnisdag.
Mótanefndarmenn eru byrjaðir að safna firma og verðið er það sama og
verið hefur í mörg ár, 1000 kr.
Ef einhvern langar að kaupa firma en fær ekki heimsókn frá okkur, þá
er hægt að hafa samband við formann. (einungis gengið í hús í Vík og
milli bæja í Mýrdalnum og undir Eyjafjöllum)
Að lokinni keppni ætla krakkarnir sem eru að fara til Berlínar á HM
íslenska hestsins 2013 að hefja sína fjáröflun með kaffi og kökusölu
og verður verði stillt í hóf (enginn posi á staðnum)
Við hvetjum alla til að mæta og eiga skemmtilegan dag, horfa á falleg
hross og styrkja í leiðinni þessa duglegu krakka.

Með félagskveðju
Mótanefnd
  • 1


Nafn:

Vefstjóri: Vilborg Smáradóttir

Um:

Minningarsjóður um Óskar Sigurð Þorsteinsson. Hægt er að styrkja sjóðinn með kaupum á minningarkortum að lágmarki 1000 kr hjá: Hjördísi Rut; sudur-foss@simnet.is s: 861-0294, Vilborgu; isbud@simnet.is s: 867-1486, Ástu Öldu; skasta15@gmail.com s: 848-1861. Sjóðurinn styrkir æskulýðsstarf Hmf Sindra.

Kennitala:

540776-0169

Bankanúmer:

0317-26-100622

Tenglar


Flettingar í dag: 326
Gestir í dag: 24
Flettingar í gær: 62
Gestir í gær: 17
Samtals flettingar: 794220
Samtals gestir: 118136
Tölur uppfærðar: 18.1.2018 18:27:32