Hestamannafélagið Sindri


Færslur: 2008 Júlí

30.07.2008 22:30

Íslandsmót barna, unglinga og ungmenna

Íslandsmót barna, unglinga og ungmenna fer að bresta á og verður það haldið dagana 14-17 ágúst en nánari dagskrá verður auglýst síðar - eða um leið og skráningafjöldinn er ljós.
 
Hestamannafélagið Fákur og hestamannafélagið Sóti sjá um framkvæmd mótsins sem er haldið í Víðidal hjá Fáki.
 

Lokafrestur fyrir hestamannafélögin til að skila inn skráningum fyrir sína félagsmenn er á miðnætti þriðjudagsins 5. ágúst en hvert hestamannafélag mun auglýsa skráningu fyrir sína félagsmenn og sjá um skráningu í Kappa.  Skráningargjald er kr. 4.000.- á hverja skráningu og eru hestamannfélögin ábyrg fyrir greiðslu þeirra. Skráning þarf að vera komin fyrir miðnætti 5. ágúst til að skráningar séu gildar.

Eins og þið sjáið þá er að skella á íslandsmót hjá börnum, unglingum og ungmennum og við munum hafa sama háttinn á eins og með fullorðna. Ég þarf að vera búin að fá skráninguna í allra síðasta lagi 5. ágúst. Best með tölvupósti því ég verð ekki heima fyrr en á mánudagskvöld.
Það þarf að greiða skráningargjöldin strax og áður en ég skrái inn í Kappa.
netfangið mitt er solheimar2@simnet.is 
reikningurinn er 0317-26- 100622
kt: 540776-0169

08.07.2008 12:01

ÍSLANDSMÓT FULLORÐINNA.

Ég fékk fékk eftirfarandi bréf sent frá Hmf Fáki og ákvað bara að setja það hér inn sem auglýsingu fyrir Íslandsmót fullorðinna. 

 

 Íslandsmót í hestaíþróttum fyrir fullorðna verður haldið 24. -27. júlí í Víðidal í Reykjavík. Framkvæmdaraðili mótsins er hestamannafélagið Fákur. Hvert hestamannafélag fyrir sig  sér um skráningu fyrir sína félagsmenn (auglýsir skráningartíma, tekur við skráningum og skráningargjaldi og skráir í Kappa) og einnig sér hestamannafélagið um greiðslu skráningargjalda til framkvæmdaraðila. Skráningargjald er kr. 4.000 fyrir hverja skráningu. Hestamannafélögin skrá sína keppendur í Kappa en búið verður að stofna mótið af framkvæmdaraðila. Lokafrestur fyrir hestamannafélögin til að skila inn skráningum fyrir sína félagsmenn í Kappa er á miðnætti mánudagsins 14. júlí. 

Mótið hefst fimmtudaginn 24. júlí og lýkur sunnudaginn 27. júlí. Nánari dagskrá verður auglýst þegar nær dregur.

í ljósi þessa þá langar mig að byðja ykkur kæru Sindrafélagar sem ætlið að taka þátt í þessu móti að senda mér upplýsingar um IS númer og Kt knapa og einnig grein sem þið takið þátt í og líka upp á hvaða hönd þið ætlið að byrja.  Í síðasta lagi sunnudagskvöldið 13. júlí svo ég hafi tök á að koma þessu inn og greiða skráningu. Við munum rukka ykkur um skráningargjöldin og þarf að vera búið að greiða þau í síðasta lagi mánudaginn 14. júlí inn á reikning 0317-26-100622. Kt: 540776-0169. kr. 4000.
EKKI VERÐUR SKRÁÐ NEMA VIÐKOMANDI SÉ BÚINN AÐ GREIÐA SKRÁNINGARGJÖLDIN.
Formaður.

08.07.2008 09:38

FÉLAGSFERÐ ÁRSINS 2008

Í ár er stefnan tekin í Þórsmörkina helgina 8-10 ágúst nk.

Búið er að panta gistingu þar í 2 nætur.
Verð fyrir gistinguna er krónur 4200 á mann.
Annar kostanður gefinn upp þegar nær dregur.

Ferðaáætlun hljóðar nokkurn vegin svona:

Föstudagur - Riðið verður frá Efstu-Grund inn í Þórsmörk
Laugardagur - Útreiðartúr um mörkina og sameiginlegur kvöldverður
Sunnudagur - Riðið aftur niður að Efstu-Grund

(hólf verður fyrir hrossin á Efstu-Grund)

Ferð eins og þessi getur verið, eins og kunnugir vita, ansi strembin svo að ákveðið hefur verið að miða við 14 (á árinu) aldurstakmark.
Þeir foreldrar sem treysta yngri börnum með hafa þá alla ábyrgð og umsjón með þeim sjálfir.

Skráningu skal lokið eigi síðar en sunnudaginn 27. júlí nk.

Skráning fer fram hjá eftirtöldum aðilum:

Andrína s: 896-3433
Atli s: 896-4818
Lára s: 863-4310
Sigga Lóa s: 898-3541


Fyrir hönd hmf Sindra

Ferða og fræðslunefnd.

03.07.2008 09:15

ERU HROSS ÞÍN Í GÓÐUM HAGA

Góð haustbeit er afar mikilvæg hrossum á útigangi, sérstaklega ef þeim er ætlað að ganga úti allan veturinn. Á hausti safna þau mikilvægum fituforða og aðlaga sig kaldara veðurfari. Alþekkt er að haustrigningar koma illa við grönn hross enda fitulagið undir húðinni helsta vörnin gegn kulda áður en hross eru komin í vetrarhárin.

Þegar ekið er um þjóðvegi landsins má víða sjá hross á lélegum hausthögum. Sum virðast nánast hafa gleymst í uppnöguðum sumarhólfum og mörg dæmi eru um að hross séu haldin á mýrum sem ekki henta til haustbeitar. Jafnvel má sjá hross á rýrum lyng- og flagmóum sem alls ekki ætti að nota til beitar. Það segir sína sögu að hross snerta helst ekki við föllnum mýrargróðri á meðan þau naga þurra skurðbakka alveg niður í rót. Loðið mýrlendi er oft mistúlkað þannig að næg haustbeit sé til staðar. Þá virðist hafa farið framhjá mörgum að skylt er að koma upp hagaskjóli þar sem náttúrulegt skjól er ekki til staðar og á það við á öllum árstímum.

Hross sem eiga að ganga úti þurfa að vera í ríflegum reiðhestsholdum að hausti eða sem svarar 3,5 á holdastigunarkvarða þeim sem fylgir aðbúnaðarreglugerð hrossa (160/2006). Þau mega gjarnan vera feit á þessum árstíma (holdastig 4) þó varast beri að hross verði afmynduð af spiki (holdastig 5).

Þess skal gætt að hross fari ekki niður fyrir 3 í holdastigun og á það við um öll hross á hvaða árstíma sem er. Því miður er ekki óalgengt að stóðhestar og hross sem hafa verið í mikilli brúkun séu nær 2,5 í holdastigun á þessum árstíma. Slík hross þurfa mjög góða beit, t.d. á túni eða ábornum úthaga og þörf getur verið á að hýsa þau á nóttunni. Hross sem komin eru niður í 2 í holdastigun eru byrjuð að ganga á vöðva og þurfa sérstaka aðhlynningu, annað varðar við illa meðferð dýra. Séu hross komin niður í 1,5 í holdastigun eða neðar (horuð eða grindhoruð) hafa þau gengið verulega á vöðva og hætt er við að þau nái sér ekki að fullu þrátt fyrir aðhlynningu. Slík meðferð varðar við lög um búfjárhald og dýravernd. Velferð dýra er á sameiginlegri ábyrgð okkar allra og hverjum sem verður var við slæman aðbúnað hrossa ber að gera viðkomandi héraðsdýralækni viðvart.

Til haustbeitar dugar best sumarfriðað valllendi. Varasamt getur verið að setja hross sem vön eru úthaga of snögglega á tún en dæmi eru um að slíkar fóðurbreytingar hafi orðið hrossum að heilsutjóni. Með hæfilegri aðlögun og þegar líða tekur á haustið eru tún þó hið besta beitiland fyrir þá hrossahópa sem þurfa best atlæti, þ.e. fylfullar og/eða mjólkandi hryssur, folöld, trippi og hross sem af einhverjum orsökum þarf að bata, s.s. hross sem hafa verið notuð til keppni eða langferða.

Nauðsynlegt er að ormahreinsa öll hross við beitarskipti enda er einn helsti tilgangur ormahreinsunarinnar að minnka smit í beitilandinu. Þannig má fyrirbyggja alvarlegar ormasýkingar. Ormalyfjagjafir hafa skammvinn áhrif gangi hrossin áfram á smituðu landi. Ef þannig háttar þarf að gefa ormalyf á 2ja-3ja mánaða fresti en með góðu skipulagi getur dugað að gefa ormalyf tvisvar á ári. Ormaveik hross þarf auðvitað að meðhöndla þó það geti verið hættulegt. Folöld og trippi geta stíflast af dauðum þráðormum og þarmaslímhimnan getur skaddast alvarlega af dreyrormalirfum sem fara af stað þegar fullorðnu ormarnir hafa verið drepnir. Því er heldur seint í rassinn gripið að gefa ormalyf eftir að einkenni ormaveiki eru farin að sjást. Slíkt ætti að gefa tilefni til endurskoðunar á beitarstjórnun og notkun ormalyfja.

 Aðgangur að góðu drykkjarvatni er að sjálfsögðu nauðsynlegur og á ábyrgð eigenda að fylgjast vel með vatnsbólum og grípa til ráðstafana ef kemur til þurrðar s.s. vegna langvarandi þurrka eða kulda.

 Þegar líður á útigönguna er æskilegt að feit hross sem nota á til reiðar gangi aðeins á þann forða þannig að þau séu á bilinu 3 - 3,5 í holdastigun þegar þau eru tekin á hús. Það er betri meðferð að láta hrossin ganga hægt og bítandi á fituforðann meðan þau eru á útigangi fremur en að halda mikið í við þau á húsi. Mjólkandi og/eða fylfullar hryssur og trippi í örum vexti þurfa hinsvegar á öllum sínum forða að halda með vorinu og alls ekki má slá af fóðrun á þeim hópi.

 Lykilatriðið er að flokka hross eftir fóðurþörfum og velja beitiland og fóðurgjöf eftir því.

Sigríður Björnsdóttir

Dýralæknir hrossasjúkdóma,

Landbúnaðarstofnun

  • 1


Nafn:

Vefstjóri: Vilborg Smáradóttir

Um:

Minningarsjóður um Óskar Sigurð Þorsteinsson. Hægt er að styrkja sjóðinn með kaupum á minningarkortum að lágmarki 1000 kr hjá: Hjördísi Rut; sudur-foss@simnet.is s: 861-0294, Vilborgu; isbud@simnet.is s: 867-1486, Ástu Öldu; skasta15@gmail.com s: 848-1861. Sjóðurinn styrkir æskulýðsstarf Hmf Sindra.

Kennitala:

540776-0169

Bankanúmer:

0317-26-100622

Tenglar


Flettingar í dag: 326
Gestir í dag: 24
Flettingar í gær: 62
Gestir í gær: 17
Samtals flettingar: 794220
Samtals gestir: 118136
Tölur uppfærðar: 18.1.2018 18:27:32