Sindrafélagar athugið !

19.06.2009 21:07

Æskulýðsmót Sindra

Sæl öll

Mig langar að koma á framfæri að á miðvikudaginn 24. júní og fimmtudaginn 25.

júní verður okkar árlega æskulýðsmót á Sindravelli.

Í ár mun Kristín Lárusdóttir sjá um reiðkennsluna en hún ætti að þekkja flest okkar

síðan í æfingabúðunum og er mjög gaman að geta boðið upp á einskonar

framhaldsnámskeið. Vonandi hafið þið verið dugleg að æfa ykkur krakkar, við

hlökkum til að sjá ykkur á miðvikudaginn.

Mæting er kl 15:00 út á Sindravöll en mótið kostar á mann 1.500.- innifalið í því er

hmf. Sindra buff, kennslan, fæði s.s. kvöldmatur, morgunnmatur, hádegismatur og

kaffi.

Krakkarnir mega sjálf koma með snakk og gos fyrir kvöldið en nammi finnst okkur

vera óþarft og vonumst við til þess að þið látið snakkið duga.

Við sláum upp tjaldbúðum eins og verið hefur og væri sniðugt fyrir ykkur að

sameina ykkur í tjöldin.

Vinsamlegast skráið ykkur á e-mailið isbud@simnet.is hjá Vilborgu fyrir

mánudaginn 22. júní. Vanti frekari upplýsingar er síminn 867-1486.

Með kveðju

Reiðskóla og æskulýðsnefnd

Skrifað af Dóra

18.06.2009 20:24

Hestaþing Sindra 27. - 28. júní 2009

Hestþing Sindra

27. og 28. júní 2009.

Á Sindravelli við Pétursey.

Dagskrá:

Laugardagur 27. júní:

Kl 10:00 Forkeppni í B- flokki gæðinga

Kl 13:00 Hópreið, mótsetning og vígsla skeiðbrautar

Forkeppni í polla-, barna-, unglinga-, ungmenna- og A- flokki.

Skráningargjöld fyrir ungmenna- A- og B flokk er 1500 kr á hest, en 500 kr dragast af 2. og 3. hesti. 4. hestur frá sama eiganda fær frítt.

Athugið: Keppnisröð er samkvæmt mótsskrá.

Kl 19:00 STJÖRNUBLIKKS - TÖLTIÐ

Töltkeppni sem er opin öllum, keppt er til úrslita. Vegleg peningverðlaun í 1. sæti. Skráningargjald 2500 kr.

Eftir töltkeppnina fer fram keppni í 100 m skeiði með fljótandi starti.

Áætluð kvöldvaka að hætti skemmtinefndar

Sunnudagur 28. júní

Kl 11:00 úrslit í B- flokki,

Polla-, barna-, unglinga-, ungmenna og A- flokki

Kl 14:30

Kappreiðar - opnar öllum

150 m skeið- 1. verðlaun 25.000 kr - Skráningargjald 2500 krónur.

300 m brokk - Skráningargjald 500 kr á hest

300 m stökk - Skráningargjald 500 kr á hest

250 m skeið - Skráningargjald 500 kr á hest.

Skráning er hjá:

Magga Ben á netfangið maggiben@gmail.com og 893-3600

Petru á netfangið solheimar2@simnet.is og 866-0786

Síðasti skráningardagur í hringvallargreinar er miðvikudagur 24. júní (miðnætti) og ekki verður tekið við skráningum eftir það. Hægt verður að skrá sig í kappreiðar líka á kappreiðadag. Við skráningu þarf að koma fram IS númer hest, nafn og kennitala knapa. Einnig geta knapar í hringvallargreinum valið tónlist til að spila undir og þarf það þá einnig að koma fram við skráningu. Annars velur Maggi eitthvað skemmtilegt.

(Skráningargjöld greiðist inn á 0317-13-302622. Kt. 540776-0169. Þar sem fram kemur nafn eiganda.)

Sjáumst öll á Hestaþingi Sindra.

Mótanefnd.

Skrifað af Dóra

15.06.2009 13:43

Kvöldreiðtúr

Fyrsti Kvöldreiðtúr sumarsins verður fimmtudaginn 18. Júní.

Riðið verður upp á Víkurheiði.

Mæting við hliðið hjá Selhrygg (norðan við veginn í Skeifnadal, hliðið verður

merkt) kl:20:30

Miðað er við að fólk hafi einn til tvo hesta til reiðar.

Nánari upplýsingar gefa:

Hjördís sudur-foss@simnet.is S: 8610294

Andrína age@snow.is S: 8963433.

Kveðja

Ferða- og fræðslunefnd

Skrifað af Dóra

14.06.2009 00:40

Vinnudagur á vellinum

Áður auglýstum vinnudegi sem vera átti á sunnudaginn verður frestað til

mánudagsins 15. júní. Áætlað er að hefjast handa kl 16:00 á mánudag, vinna

eitthvað fram eftir kvöldi og grilla svo í lok vinnudags. Við skorum á sem flesta að

mæta börn og fullorðna allir geta létt undir og ekki væri verra að hafa með sér eins

og einn hamar og einn naglbít til öryggis.

Með kveðju

Stjórn hmf. Sindra

Skrifað af Dóra

13.06.2009 15:28

Vinnudegi frestað

Vinnudagurinn okkar verður ekki núna á sunnudaginn þar sem

reiðskólasýningin okkar verður þann sama dag.

Við setjum inn nýja dagsetningu flótlega emoticon

Skrifað af Dóra

07.06.2009 07:50

Vegna Hestaþings o.fl.

Vinnudagur verður á Sindravelli sunnudaginn 14. júní og mánudaginn 15 júní. (Ef okkur tekst ekki að klára allt á sunnudeginum.)

Við ætlum að byrja kl 13:00 á sunnudeginum og kl 16:00 á mánudeginum.

Það er eitt og annað sem liggur fyrir á vellinum.

- það þarf að þrífa út bæði dómpall og Sindrasel

- það þarf að laga staura á hringvelli og valta hann

- það þarf að laga háu girðinguna við hlaupabrautina

- það þarf að smíða nýja girðingu við hlaupabraut og setja upp streng við hlaupabraut.

- það þarf að lagfæra tökubás í gerðinu og setja upp vatnsaðstöðu fyrir hrossin í tökugerði.

- Það þarf að leggja slöngu úr brunni í Eyjarhólum og að vatnskerinu í gerðinu

- Sjálfsagt er eitthvað fleira sem fellur til og verður ekki tíundað hér.

Forsenda fyrir því að mótið okkar verði sem best úr garði gert er að fólk mæti á vinnudag og taki til hendinni. Börn og unglingar ekki síður en fullorðnir.

Munið að margar hendur vinna létt verk.

Í lok vinnudags verður grill fyrir vinnandi fólk í boði Hmf Sindra. emoticon

Hestaþing Sindra verður helgina 27-28 júní 2009.

Skráning hjá:

Magga Ben. maggiben@gmail.com og 893-3600 og

Petru: solheimar2@simnet.is og 866-0786.

Við skráningu þarf IS númer hests og nafn og kennitölu knapa.

Ef þið viljið hafa einhverja sérstaka tónlist á meðan á forkeppni stendur þarf að taka það sérstaklega fram við skráningu annars velur Maggi eitthvað skemmtilegt.

Síðasti skráningardagur er á miðnætti miðvikudaginn 24. júní. Ekki er tekið við skráningum eftir það í hringvallar greinum.

Nýtt fyrirkomulag er á skráningum þar sem að greiða þarf skráningargjald í ungmenna, B- og A- flokki. Kr 15oo. Ef eigandi er með fleiri en 1 hest dregst kr 500 af öðrum og þriðja hesti en fjórði hestur frítt. Greiða má inn á reikning 0317- 13- 302622. Kt: 540776-0169 þar sem fram kemur nafn eiganda hests í skýringu.

Sú nýbreytni verður á Kappreiðum að tekin verða skráningargjöld í öllum hlaupum. Kr 1500 í 150 m skeiði en kr 500 í öðrum greinum. Nú verður möguleiki á að skrá sig á staðnum en þó fær enginn að keppa nema greiða skráningargjöld fyrst. Best er þó að skrá sig fyrir mót.

Skráningargjald í tölti verður áfram það sama 2500 kr.

Munið að greiða félagsgjöldin tímanlega.

Varðandi aðgangseyri:

Við ætlum að innheimta aðgangseyri á vellinum sjálfum kr 2000 f/2 daga og 1500 f/1 dag. Þeir sem greiða fá armband, knapar þurfa ekki að greiða aðgangseyri en þurfa hafa kvittun fyrir skráningargjöldum til að fá armband. Frítt er inn fyrir börn 13 ára árinu (1996) og yngri.

Nú er búið að setja upp skjólvegg á tjaldstæðinu og er tilvalið að koma bara og tjalda og hafa það huggulegt.

Uppi eru hugmyndir að hafa einhverskonar kvöldvöku á laugardagskvöldinu en það verður auglýst síðar.

Til athugunar.

Samkvæmt grein 7.7.2 í lögum LH má barn, unglingur og ungmenni mæta með fleiri en einn hest í forkeppni sjá nánar á ef þú smellir hér.

Samkvæmt grein 7.3.1. má sami hestur ekki taka þátt í gæðingakeppni fyrir fleiri en eitt félag ár hvert.

Ekki verður hægt að skrá sig í Hestamannafélagið Sindra viku fyrir mót til þess eins að koma hesti inn á mótið.

Mótanefnd

Æskulýðsmót hmf. Sindra

Æskulýðsmótið okkar verður dagana 24. og 25. júní og munum við þar eins og undanfarin ár gera okkur dagamun og fá kennslu fyrir mótið, það mun vera Kristín Lárusdóttir sem kennir enda kynntist hún ykkur flestum og hestum ykkar í æfingabúðunum okkar í apríl síðastliðinn, fáir væru því eins vel til fallnir í verkið emoticon Skráning er á e-mailið isbud@simnet.is hjá Vilborgu.

Hlökkum til að sjá ykkur, æskulýðsnefnd Sindra.

Skrifað af Dóra

30.05.2009 14:23

Hrannar frá Þorlákshöfn

Hrannar býr yfir yndislegu geðslagi, mikilli mýkt og vilja. Mjög rúmur á öllum gangtegundum, með eðlisgóðan höfuðburð og mikið fas. Vel ættaður undan Orra frá Þúfu og Koltinnu frá þorlákshöfn. Koltinna hefur gefið mikla gæðinga og er undan Kolskeggi frá Kjarnholtum og 1 verðlauna Höfða-Gustsdóttur.
Fyrstu afkvæmi Hrannars hafa það sameiginlegt umfram annað að hafa góða frambyggingu og útlit, gott ganglag og einstakt geðslag.

Hrannar verður í húsnotkun í Hafnarfirði fyrripart sumars en verður fyrra og seinna gangmál í Norður-Götum, þar sem hann tekur á móti merum.

Ætt Hrannars:

F: Orri frá Þúfu IS1986186055
FF: Otur frá Sauðárkróki IS1982151001
FM: Dama frá Þúfu IS1983284555
M: Koltinna frá Þorlákshöfn IS1992287199
MF: Kolskeggur frá Kjarnholtum 1 IS1989188560
MM: Tinna frá Svignaskarði IS1983236011

Kynbótadómur:

Sköpulag

Höfuð
Háls/herðar/bógar
Bak og lend
Samræmi
Fóragerð
Réttleiki
Hófar
Prúðleiki

8.49

8.5
9
8
8.5
8
7.5
9
8

Kostir

Tölt
Brokk
Skeið
Stökk
Vilji og geðslag
Fegurð í reið
Fet
Hægt tölt
Hægt stökk

8.59

8.5
8.5
9.5
6.5
9
8.5
8
8
8

Kynbótamat hæst metnu afkvæma:    117

Kynbótadómur hæst dæmsu afkvæma:   7.88 Aðaleinkunn

Fjöldi skráðra afkvæma:   61

GÖTUR - Hrossarækt
Criadores profesionales

Tel: +354 482 4461
gsm: +354 861 2930
gotur@gotur.is
www.gotur.is

Skrifað af Dóra

29.05.2009 18:18

Orðsending frá gjaldkera

Kæru félagsmenn

Einhverjir hafa kannski orðið þess varir og sumir fengið ítrekunarbréf frá bankanum vegna ógreiddra félagsgjalda sinna. Þykja bréfin harðorð og hefur borið á viðkvæmni í þess garð en verð ég að viðurkenna að sjálf hef ég ekki séð bréfin, (sem eru reyndar stöðluð frá bankanum), svo ég get ekki metið beinskeytni þeirra. Ég hafði beðið um það sérstaklega í ár að engin kröfubréf yrðu send af hálfu bankans og hafði ég hugsað mér að ýta sjálf við þeim sem "gleymt" hefðu að greiða gjöldin sín, það var liður í sparnaðar átaki sem nú er greinilega fallið um sjálft sig.

Mannleg og tæknileg mistök í bankanum urðu þó til þess að beiðni minni var ekki fylgt eftir og harma ég það sérstaklega að bréf voru send á heiðursfélaga sem hafa val um að borga félagsgjöldin vegna aldurs síns en aðrir hafa nú kannski átt það skilið þó vegna gleymsku sinnar. Það hefur ringt yfir formanninn okkar kvörtunum sem er jú fullskiljanlegt og höfum við nú sent bréf þessu til útskýringar og afsökunar til heiðursfélaga okkar og vonumst til þess að fólk sýni þessum aðstæðum skilning en mig langar að benda á að oft er betra að leita útskýringa áður en ásökunum er sleppt út í loftið.

Með kveðju

Vilborg

Gjaldkeri

Skrifað af Dóra

25.05.2009 19:57

Reiðskólar Sindra

Reiðskólar Sindra verða í ár dagana 5. júní til 11. júní í Skálakoti og í Vík 7.júní til 13. júní. Reiðskólinn er fyrir alla krakka frá 6 ára aldri (fædd 2003) og kostar námskeiðið kr. 7.500.-, systkynaafsláttur er krónur 1.000.- fyrir félaga í hestamannafélaginu kostar kr 6.500.-.

Skráning í reiðskólann í Skálakoti er hjá Dóru

á e-mailið dorag@hive.is eða í síma 895-5738

en skráning í reiðskólann í Vík er

á e-mailið isbud@simnet.is hjá Vilborgu

og hjá Óskari í síma 866-1021

Skráning fyrir Skálakot er opin til mánudagsins 1. júní en til miðvikudagsins 3. júní vegna Víkur.
Við biðjum fólk að virða það við okkur að vegna mikillar þátttöku undanfarin ár höfum við ákveðið að taka ekki við skráningum eftir þann tíma, því er um að gera að vera tímanlega í því að ákveða sig.

Skráning er svo tekin gild við greiðslu þátttökugjaldsins.

Með kveðju

Reiðskóla- og æskulýðsnefnd hmf. Sindra

Skrifað af Dóra

22.05.2009 20:07

Harðjaxlar á ferð

Hópur vaskra manna er þessa dagana að fara ríðandi, gömlu póstmannaleiðina, frá Höfn í Hornafirði til Selfoss. Ætlunin er að fara yfir öll vatnsföll á leiðinni en sneiða framhjá öllum brúm og þess háttar óþarfa. emoticon

Þeir kalla sko ekki allt ömmu sína eins og sést á meðfylgjandi myndum sem Jónas í Fagradal tók kl. fjögur, aðfararnótt 21. maí, þegar hópurinn sundreið yfir Breiðamerkurlón á Breiðamerkursandi. Þetta hefur aldrei fyrr verið gert að sögn heimamanna, en þjóðleiðin var á jökli fyrir innan lónið hér áður fyrr.
Áætluð ferðalok eru um Hvítasunnuhelgina.

Reksturinn kominn rúmlega hálfa leið

Alveg að komast á þurrt

Eftirreiðin á miðri leið

Líklega hrollkaldir að komast upp á bakkann

Hermann og félagar í viðtali eftir afrekið

Eitthvað blotnuðu þeir og eru sumir þarna að vinda úr fötunum utaná sér

Reiðskjótarnir fengu gott í kroppinn eftir átökin

Vaskir menn

Skrifað af Dóra

22.05.2009 18:55

Katla frá Eyjarhólum

Þann 19. maí kom annað folaldið þetta sumarið í Eyjarhólum

Perla frá Eyjarhólum kastaði fyrsta folaldinu sínu, brúnskjóttri meri sem verður trúlega grá. Hér er hún rétt 2ja tíma gömul.

Daman er undan Kletti frá Hvammi sem sést langar leiðir á þessum skemmtilega kúfótta lit.

Hún var ekki að kippa sér upp við það að mamma hennar væri í fótsnyrtingu og kúrði bara í hálminum á meðan.

Skrifað af Dóra

19.05.2009 11:59

Framtíð frá Eyjarhólum

Þann 13. maí fæddist fyrsta folald sumarsins í Eyjarhólum.

Mamman er hin 20 vetra Folda frá Eyjarhólum og faðirinn Ægir frá Litlalandi.
Hann hefur greinilega ekki verið að slóra við vinnuna sína heldur bara difið í að fylja merarnar, sem komu til hans, fljótt og vel.

Þetta er ljósmoldótt merfolald sem hlaut nafnið Framtíð eftir miklar vangaveltur

Skrifað af Dóra

06.05.2009 11:16

Hryðja frá Suður-Fossi

Hún Hjördís á Suður-Fossi sendi okkur rosalega skemmtilegar myndir af henni Hryðju litlu sem kom í heiminn í hríðarveðri þann 4. maí
Mamman er Skerpla frá Tungufelli og hún er undan Kolfinni frá Kjarnholtum en pabbi Hryðju er sjálfur Ægir frá Litlalandi. emoticon

Hér er hún að koma í heiminn emoticon

Stoltur eigandi að skoða gripinn

Daman farin að braggast

Skrifað af Dóra