1. Vetrarmót Hestamannafélagsins Sindra

Sunnudaginn 30. janúar 2011, kl 14:00

á Reiðvellinum í Vík.

Keppt verður í:

Pollar, börn, unglingar, konur og karlar (í þessari röð)

Skráningargjöld 1000 kr í kvenna og karlaflokki á hvern knapa.

Greiðist fyrir keppni.

Sindraknapar safna stigum milli móta. Veitt verðlaun fyrir 1,2 og 3 sæti í öllum flokkum á hverju móti. 3 hestar inn á í einu. Frjáls aðferð.

Mætum nú öll og verum með. Höfum þetta létt og skemmtilegt.

Æskilegt að skráningar komi fyrirfram (í síðasta lagi kl 11 á sunnudag) í síma 8660786 eða á netfangið solheimar2@simnet.is 

Eftir að keppni hefst í hverju flokki fyrir sig, er ekki tekið við skráningu.

Mótanefnd.

Opinn félagsfundur

Á Ströndinni í Víkurskála

Fimmtudaginn 20. janúar kl 20:30

Stjórn hefur ákveðið að boða til opins félagsfundar á Ströndinni í Víkurskála

fimmtudaginn 20.janúar n.k. kl 20.30. Markmið fundarins er m.a. að fá fram tillögur

og hugmyndir frá hinum almenna félagsmanni til bætts starfs hestamannafélagsins

Sindra eftir slakt síðasta ár, fá álit á settum dagsettningum móta og útskýra

keppnisfyrirkomulag vetrarmóta.


Mætum sem flest og látum ljós okkar skína til uppbyggingar félagsstarfssins.

Með kveðju

Stjórn hmf Sindra

Folaldasýning hmf Sindra 2011

Folaldasýning hmf Sindra 2011 verður haldin 29. janúar n.k. í Skálakoti.
Sýningin hefst stundvíslega kl 13:00.
Veitt verða verðlaun fyrir fyrstu fimm sætin í annarsvegar flokki merfolalda og hinsvegar flokki hestfolalda.
Verðlaun fyrir fyrsta sætið eru glæsileg m.a. farandbikarar, eignabikarar og folatollar.
Kaffisala í betristofunni og happdrætti fyrir alla.

Boðið verður upp á örmerkingu og DNA töku gegn vægu gjaldi.

Ungfolasýning 2-3 vetra fola verður eftir folaldasýninguna, en þá gefst félagsmönnum færi á að auglýsa fola sína og státa sér af ræktun sinni. Sömu reglur gilda um skráningu ungfola og folalda.
 

Skráningargjald á folald er kr 500.-

Skráning er til miðnættis 24.janúar n.k. hjá Dóru á e-mailið dorajg@simnet.is og Árna í síma 893-9438.

Athugið að folald þarf að vera skráð í Feng, vera í eigu félagsmanns og vera örmerkt eða örmerkt hjá Pétri á staðnum.

Með kveðju

Ferða og fræðslunefnd

Ágætu Sindrafélagar..
Eftir nokkra yfirlegu hefur stjórn komist að niðurstöðum með helstu mót ársins:

Vetrarmótin verða á eftirtöldum dagsetningum.
1. vetrarmót 30. janúar í Vík
2. vetrarmót 26, febrúar á Sindravelli
3. vetrarmót 26. mars í Vík.
Vetrarmótin verða með svipuðu sniði og í fyrra. Við fáum aðkeyptann dómara á þau öll svo það sé á hreinu strax. Þessar dagsetningar geta breyst með stuttum fyrirvara ef veður eða annað óvænt verður til þess að færa þurfi dagsetningu eða staðsetningu mótsins en þá verður reynt að koma því til ykkar í tíma.

Firmakeppni félagsins var erfið í vöfum núna en við enduðum á 25. apríl (annar í páskum) Til vara ef þessi dagsetning er mjög erfið þá er ekki hægt að hafa firmakeppni fyrr en 30. apríl. Sem er ekki góður kostur heldur.

Þá er það Hestaþing Sindra:
þetta ár er að mörgu leiti óvenjulegt þar sem það er Landsmót í ár sem hefði ekki átt að vera, væri allt eðlilegt. En við lágum dáldið lengi yfir þessu. En líklegasta niðurstaðan enn sem komið er:
Er 10. og 11. júní. Ástæðan fyrir því að við veljum þessa dagsetningu er helst sú að þá getum við haft okkar úrtöku fyrir Landsmót.

Ég geri mér grein fyrir því að einhverjar dagsetningar eru vonlausar fyrir einhverja en svona er þetta bara og mjög erfitt að breyta miklu. Því miður..

Að lokum vil ég minna á að Folaldasýningin okkar er sett á 29. janúar og verður hún auglýst betur þegar nær dregur í Vitanum og hér inni.

Já og í blá lokin þá er aðalfundur félagsins föstudaginn 25. febrúar í Vík. Nánari staðsetning þegar nær dregur.

með félagskveðju
Formaður

Síðsumarmót Hestamannafélagsins Sindra

Laugardaginn 14. ágúst 2010.

Keppni hefst stundvíslega kl 10:30

Keppnisröð er eftirfarandi:

10:30 B-flokkur gæðinga => forkeppni

            Pollar => kláraður.

            Börn => forkeppni

            Unglingar => forkeppni

            A-flokkur gæðinga => forkeppni

            Úrslit flokka í sömu röð og forkeppni strax að lokinni forkeppni í A-flokki.

15:00 Töltkeppni forkeppni og úrslit (ef næg þátttaka fæst, minnst 10 keppendur)

            Kappreiðar í beinu framhaldi af tölti.

100m skeið með fljótandi starti

150m skeið

300m brokk

300m stökk.

Mótið er opið öllum. Skráningargjöld í A- og B- flokki gæðinga og tölti 1500 kr og 500 kr í kappreiðum á hvert hross.  Greiðist í allra síðasta lagi á staðnum. Ef greitt er í heimabanka fyrir keppni skal framvísa kvittun á keppnisdag.

Skráningar á netfangið solheimar2@simnet.is og í síma 8660786 (Petra)

Vonumst til að sjá sem flesta

Mótanefnd.

Ps. Sjoppa á staðnum en ekki posi..

Ef þátttakan verður framar vonum getur tímasetning riðlast.. :)
með kveðju Mótanefnd

SÍÐSUMARMÓT
 

HESTAMANNAFÉLAGSINS SINDRA

LAUGARDAGINN 14. ÁGÚST 2010

Ágætu Sindrafélagar.
Svona verður síðsumarmótinu okkar háttað.

Keppt verður í A- og B- flokki gæðinga, barna- og unglinga flokki  með þessu sniði:

Sérstök forkeppni: stjórnast af þul.

Er alltaf riðin upp á vinstri hönd.

 Þar sem 3 verða inná í einu.

B- fl:

2 hringir hægt tölt

2 hringir brokk, frjáls hraði.

2 hringir greitt tölt á langhliðum.

A- fl:

2 hringir tölt

2 hringir brokk frjáls hraði

Ein umferð skeið, einn í einu.

Barnafl:

2 hringir brokk eða tölt

2 langhliðar stökk, betri langhliðin gildir

Stjórnun og áseta.

Unglingar:

2 hringir hægt tölt

2 hringir brokk, frjáls hraði

2 hringir yfirferðargangur á langhliðum, annað hvort tölt eða brokk

Stjórnun og áseta

Pollaflokkur:

Verður riðinn með firmakeppnis ívafi.
Frjálst og skemmtilegt og ekki riðið til úrslita.

Heldur sætaraðað eftir forkeppni.

Einnig verður töltkeppni ef næg þátttaka fæst. (lágmark 10 keppendur)

Svo ætlum við að reyna kappreiðar líka og þar verður keppt í:

100 m fljótandi skeiði

150 m skeið

300 m brokk

300 m stökk

Verðlaun fyrir 3 efstu sætin. Spennandi verðlaun fyrir 1. sæti í öllum flokkum og tölti.

Töltkeppnin verður auglýst sérstaklega vel þar sem hún er opin öllum sem og kappreiðarnar en gæðingarkeppnin er einungis fyrir Sindrafélaga.

Reiknað er með að byrjað verði á B- flokki gæðinga, þá pollar, börn, unglingar og A-flokkur.

Það fer  alveg eftir þátttökunni en ef hún er góð verður byrjað snemma á laugardagsmorguninn
og við hvetjum fólk til að vera tímanlega og ekki láta bíða eftir sér.

Skráningargjöld eru kr 1500 í A-, B- flokki og tölti, kr 500 í kappreiðum
en pollar börn og unglingar greiða ekkert.

Ráslistar verða birtir í allra síðasta lagi á föstudagsmorgun á Sindrasíðunni.

Skráningu lýkur á miðnætti á miðvikudag 11. ágúst.

Hægt er að skrá á netfangið solheimar2@simnet.is og í síma 8660786.

Hlökkum til að sjá ykkur öll hress og kát í keppnisskapi.

Mótanefnd.