Fljótfærni varð til þess að keppnisfyrirkomulag í unghrossaflokki varð helst til tilætlunar samt. Áætlað er að hross í þeim flokki þurfi aðeins að sýna frjálsa ferð brokk og tölt einnig er möguleiki fyrir hendi að sýna skeið í staðinn fyrir annað hvort brokk eða tölt, sé vilji fyrir því þarf að tilkynna það við skráningu.

Með kveðju Mótanefnd.

Undir "úrslit móta 2011" er nú komin niðurstaða stigakeppni vetrarmóta Sindra 2011.
Ég er búin að yfirfara stig og samlagningu og vona að hér eftir sé þetta rétt hjá mér.

Næsti dagskrárliður mótanefndar er Firmakeppnin okkar sem dagsett er 25.apríl n.k. ég hlakka til að sjá hvort þessi frábæra þátttaka sem verið hefur á vetrarmótunum okkar haldi ekki áfram að skila sér og ekki síður að við fáum að halda í þetta frábæra veður sem hefur heiðrað okkur þessi tvö síðustu skipti og gert dagana enn gleðilegri fyrir okkur.

Með kveðju f.h. Mótanefndar
Vilborg

verður haldið á reiðvellinum í Vík laugardaginn 2. Apríl kl 13:00.

Keppt verður sem fyrr í polla-, barna-, unglinga-, kvenna- og karlaflokki. En þátttökugjald er kr 1.000.- í kvenna- og karlaflokki. 

Ætlast er til þess að knapar sýni hægt tölt og yfirferð (brokk eða tölt) að undanskyldum pollaflokki þar sem riðið er frjálst.

Úrslit stigakeppni vetrarmótanna verða tilkynnt eftir keppni.

Skráning er fyrirfram á netfangið solheimar2@simnet.is og í síma 866-0786 (Petra.)

Allir velkomnir til keppni

Sjáumst hress og kát á laugardaginn.

Mótanefnd.

Hestadagar í Reykjavík rétt handan við hornið

Nú fer að líða að því að Hestadagar í Reykjavík fari að hefjast.  Um helgina verður nóg um að vera.  Laugardaginn næskomandi  mun reiðskólinn Íslenski hesturinn sjá um hestateymingar á Ingólfstorgi milli 14 og 15, Orrasýning í Ölfushöllinni, og á sunnudaginn er KvennaLífstölt hjá hestamannafélaginu Herði í Mosfellsbæ og allur ágóði af mótinu mun renna til Lífs (kvennadeild Landsspítlans). 

Hér að neðan má sjá dagskrá Hestadaga í Reykjavík , einnig má finna allar upplýsinga  um viðburðina og kaupa miða í ferðirnar og sýningar á heimasíðu hestadaga sem er www.hestadagar.is eða í síma
514-4030.   

MÁNUDAGUR 28 MARS 

Kynbótaferð á Suðurland, heimsótt verða tvö ræktunarbú sem valin hafa verið þau bestu undanfarin ár. Búin munu sýna brot af því besta úr sinni ræktun. Farið verður frá BSÍ kl: 10.00, síðasti dagur bókunnar er 25. mars. verð kr: 5000

ÞRIÐJUDAGUR 29 MARS
Kynbótaferð á Vesturland, heimsóttur verður Landbúanaðarháskólinn á Hvanneyri og Miðfossum. Kennslusýning í samvinnu við Hvanneyraskóla, kynbótadómarar með fræðsluerindi og útskýringar á helstu atriðum kynbótadóma og ræktunar. Ræktunarbú á Vesturlandi sýna brot af því besta. Farið verður frá BSÍ kl: 9.30. Síðasti dagur bókunnar er 26. mars. Verð kr: 5500

MIÐVIKUDAGUR 30 MARS
Félag tamningamanna verður með sýnikennslu í Reiðhöll Gusts- Glaðheimum .
Byrjar kl. 20.00, verð kr: 1500

FIMMTUDAGUR 31 MARS
Landbúnaðarháskólinn á Hólum verður með kynningu í  Reiðhöll hestamannfélagsins Harðar í Mosfellsbæ. kl. 17:00 aðgangur ókeypis

FIMMTUDAGSKVÖLD: Sölusýning í reiðhöll Harðar, hestar til sölu, þjóðleg stemmning og margt skemmtilegt að sjá. Ekki missa af þessu. Aðgangur ókeypis, byrjar kl 20.00.

FÖSTUDAGUR 1 APRÍL

Hestahátíð í Hafnarfirði, heimsóknir með hesta á leikskólana í Hafnarfirði. Þórsplan- hestar til sýnis, söngur gleði og gaman. Hópreið að Fjarðarkaupum þar sem verður lítil hestasýning á bílaplaninu, milli kl. 16- 18. 

FÖSTUDAGSKVÖLD: Stór sýning í reiðhöllinni í Víðidal. Að sýningunni koma þau sex hestamannafélög á höfuðborgarsvæðinu sem hafa lagt mikla vinnu í dagskrá Hestadaga í Reykjavík. Unglingarnir í félögunum munu einnig verða með í þessari sýningu. Blönduð og skemmtileg sýning þar sem allir ættu að geta skemmt sér vel. Sýningin hefst kl.20:00, 
verð kr: 1000 og frítt fyrir 13 ára og yngri.

LAUGARDAGUR 2 APRÍL

STÓRI DAGURINN!
Skrúðganga fer frá BSÍ í kringum hádegi og riðið verður upp Laugarveginn og endar gangan í Fjölskyldu og húsdýragarðinum. Þar verður fjölskylduhátíðin "GOBBIDÍ GOBB"
Frá kl: 13.00 - 16.00. Margt skemmtilegt verður þar fyrir alla fjölskylduna, hestateymingar, markaðsþorp, sögusýning og margt, margt fleira. Aðgangur er ókeypis.

LAUGARDAGSKVÖLD:
"ÞEIR ALLRA STERKUSTU" ÍSTÖLTSKEPPNI í Skautahöllinni í Laugardalnum.
Þar mæta til leiks allra bestu hestar og knapar landsins. Viðburður sem ekki má missa af. Keppnin hefst kl 20.00 verð kr. 3000