Framundan eru tvö áhugaverð námskeið Munnur hestsins og Hesturinn í góðum haga!

Munnur hestsins

Endurmenntun LbhÍ mun í samstarfi við Matvælastofnun standa fyrir námskeiði á Hvanneyri laugardaginn 23. febrúar er ber nafnið

Mikil umræða hefur verið um undanfarna mánuði um áhrif beislabúnaðar, áverka í munnvikum hrossa og fleira í þeim dúr. Auðvitað er það svo að tamning hesta og notkun til reiðar felur í sér umtalsverðar breytingar á líkamsstarfsemi þeirra. Meðal annars fær munnurinn nýtt hlutverk sem er gjörólíkt því sem honum er ætlað frá náttúrunnar hendi. Dr. Sigríður Björnsdóttir, dýralæknir hrossasjúkdóma hjá Matvælastofnum hefur mikla þekkingu á þessu sviði og tekið út stöðuna, m.a. í tengslum við hross í keppni. Þekking á byggingu og virkni munnsins er mikilvæg fyrir samspil manns og hests og til að fyrirbyggja særindi í munni reiðhesta. Á námskeiðinu mun Sigríður, eða Systa eins og hún er kölluð, fara ítarlega í líffræði munnsins í máli og myndum en auk þess sýnikennslu á lifandi hestum. Að lokum verða eiginleikar mismunandi méla skoðaðir og hvernig er hægt að draga úr hættunni á að þau og annar beislisbúnaður skaði hestinn.  Hámarksfjöldi á námskeiðinu eru 12 þátttakendur. Skráningar fara fram um heimasíðuna www.lbhi.is/namskeid eða í síma 433 5000 (Ásdís Helga).

Hesturinn í góðum haga!

Námskeiðið er haldið í samstarfi Endurmenntunar LbhÍ, Landssamband hestamannafélaga og Landgræðslu ríkisins.

Námskeiðið er einkum ætlað hestamönnum, eigendum beitarlands og starfsmönnum sveitarfélaga sem sinna landnýtingarmálum.

Á námskeiðinu fjallar Bjarni Maronsson, Landgræðslu ríkisins, um áhrif hrossabeitar á gróður og jarðveg og mismunandi beitarskipulag fyrir hross. Einnig verða kynntar aðferðir til að meta beitarástand lands, landlæsi og fjallað um leiðir til úrbóta vegna hrossabeitar.

Staður: Félagsheimili hestamannafélagsins Fáks í Víðidal

Stund: þri. 19. mars kl. 19:45-22:30. Skráningarfrestur miðast við 14. mars.

Verð: 3500 kr (fræðsla, gögn og molasopi).

Skráningar og greiðslur fara fram í gegnum heimasíðuna www.lbhi.is/namskeid

Skráningarfrestur almennt miðast við viku fyrir dagsett námskeið.

Aðalfundur Hestamannafélagsins Sindra verður haldinn föstudaginn 22. febrúar 2013 kl 20:30.  Fundurinn er haldinn á Ströndinni Víkurskála.

Dagskrá fundarins:

1.      Fundarsetning- kosning fundarstjóra og ritara

2.      skýrsla stjórnar og reikningar

3.      kosningar

4.      skipun í starfsnefndir

5.      önnur mál

Í fundarhléi verður kaffi og meðlæti í boði félagsins.

Við hvetjum ykkur öll til að mæta og hafa áhrif á starf félagsins.

Það liggur fyrir að kjósa þarf 2 nýja meðstjórnendur í stað þeirra Guðnýjar Sigurðardóttur og Þorgerðar Guðmundsdóttur og gaman væri að fá að vita af því ef einhverjir eru áhugasamir um að starfa í stjórn.

Annað sem stjórnin vill koma á framfæri er að á aðalfundi er veitt viðurkenning til knapa ársins og efnilegasta knapa ársins og getur fólk sent inn tilnefningar á solheimar2@gmail.com eða isbud@simnet.is þar sem tilgreind eru helstu afrek, kostir og framför hjá viðkomandi. Tilnefningar þurfa að berast fyrir 15. febrúar 2013.

Á haustdögum ákvað stjórn félagsins að setja á fót þriggja manna nefnd sem færi í það að skoða lög félagsins ásamt því að búa til reglugerð varðandi mótahald hjá félaginu. Í þessari nefnd voru þau Hlynur Guðmundsson, Vilborg Smáradóttir og Petra Kristín Kristinsdóttir.

Breytingar sem nefndin leggur til eru sendar til félagsmanna í tölvupósti (almennum til þeirra sem ekki nota tölvupóst). Endilega kynnið ykkur þetta vel fyrir aðalfund því þar verður þetta tekið til umræðu og atkvæða.
Ástæða þess að við sendum þetta á alla félagsmenn er sú að með því móti getur fólk kynnt sér málið og komið skoðunum sínum og hugmyndum á framfæri án þess að vera að sjá þetta í fyrsta sinn á aðalfundi. Ef þú hefur einhverjar athugasemdir og/eða tillögur að breytingum þá er um að gera að senda það á netfangið solheimar2@gmail.com eða isbud@simnet.is. Einnig er ykkur frjálst að koma með breytingartillögu á aðalfund og bera hana þar upp.
Meðfylgjandi eru líka tillögur stjórnar að nefndarskipan félagsins fyrir árið 2013-2014. 

Með félagskveðju fyrir hönd stjórnar

Petra Kristín Kristinsdóttir
formaður

Áætlun um kynbótasýningar á Íslandi 2013 liggur nú fyrir.

29.4 - 3.5 Skagafjörður
6.5 - 10.5 Selfoss
13.5 - 17.5 Víðidalur
16.5 - 17.5 Akureyri
21.5 - 24.5 Hvammstangi
21.5 - 24.5 Hafnarfjörður
27.5 - 31.5 Selfoss
27.5 - 31.5 Skagafjörður
27.5 - 28.5 Hornafjörður
29.5 - 31.5 Stekkhólmi
3.6 - 7.6 Melgerðismelar
3.6 - 14.6 Hella
10.6 - 14.6 Miðfossar
21.6 - 23.6 FM Hornafirði
4.7 - 7.7 FM Kaldármelum
22.7 - 26.7 Selfoss
12.8 - 16.8 Miðfossar
12.8 - 16.8 Hvammstangi
12.8 - 23.8 Hella
19.8 - 23.8 Skagafjörður
19.8 - 23.8 Dalvík

Ármann Sverrisson

Ársæll Jónsson

Baldvin og Þorvaldur Selfossi.

Björkin Hvolsvelli.

Búaðföng  Hvolsvelli.

Bæring Sigurbjörnsson

Dýralæknamiðstöðin Hellu.

Fossís Vík.

Gallerý pizza Hvolsvelli.

Guðlaugur H. Kristmundsson

Hans Friðrik Kerúlf

Húsasmiðjan Hvolsvelli.

Jón Bóndi.

Klakkur Vík.

Leó Geir Arnarsson

Lífland Reykjavík.

Lyngfell Vestmannaeyjum.

Sara Ástþórsdóttir

Skálakot.

Sláturfélag Suðurlands.

Ströndin.

Volcano cafe Vestmannaeyjum.

Magnús Benediktsson

Þytur í Laufi.

HESTAMANNAFÉLAGIÐ SINDRI

Stendur fyrir happdrætti á folaldasýningu sinni,

þann 24. Nóvember nk í Skálakoti.

Glæsilegir vinningar eru í boði og miðaverð AÐEINS kr: 1000.

Gefendur vinninga eru meðal annars:

Baldvin og Þorvaldur Selfossi.

Björkin Hellu.

Búaðföng  Hvolsvelli.

Dýralæknamiðstöðin Hellu.

Fossís Vík.

Gallerý pizza Hvolsvelli.

Húsasmiðjan Hvolsvelli.

Klakkur Vík.

Lífland Reykjavík.

Lyngfell Vestmannaeyjum.

Volcano cafe Vestmannaeyjum.

Folatollur u Kjerúlf frá Kollaleiru- gefendur: Leó Geir og Hans Friðrik Kjerulf.

Miðar fást keyptir í forsölu, nánari upplýsingar gefur,

Lára Oddsteinsdóttir í síma 8634310.

Fyrir hönd hmf Sindra,   Ferða og fræðslunefnd.

Erindi

Uppgötvun "Gangráðsins" í hrossum

Opinn fundur

Þýðing "Gangráðsins" fyrir íslenskra hrossarækt

Uppgötvun "Gangráðsins" í hrossum

Dr. Lisa S. Andersson flytur erindi á Hvanneyri um tímamótauppgötvun sína og félaga sinna um tilvist skeiðgensins "Pace maker gene" sem ef til vill mætti kalla "Gangráðinn" í hrossum. Niðurstöður rannsóknarinnar voru nýverið kynntar í hinu virta vísindariti Nature.

Lisa varði doktorsritegerð sína í sameindaerfðafræði "Equine Trait Mapping. From Disease Loci to the Discovery of a Major Gene Controlling Vertebrate Locomotion" nú í haust frá erfða- og kynbótafræðideild Sænska landbúnaðarháskólans í Uppsölum. Lisa og félagar eru afar áhugasöm um frekari rannsóknir á Íslenska hestinum og samstarf og mikill fengur að fá hana til landsins.

Erindi Lisu fer fram í Borg í Ásgarði á Hvanneyri, miðvikudaginn 28. nóvember n.k. og hefst kl. 14:30. Allir velkomnir.

Þýðing "Gangráðsins" fyrir íslenska hrossarækt

Í tengslum við erindi sem Dr. Lisa S. Andersson flytur við LbhÍ um tímamótauppgötvun sína og félaga sinna um tilvist skeiðgensins "Pace maker gene" mun Prófessor Þorvaldur Árnason, sem einnig tók þátt í rannsókninni, halda opinn fund með íslensku hrossaræktarfólki og öðrum áhugasömum um þýðingu þessarar uppgötvunar. Þorvaldur mun sérstaklega velta upp þeim möguleikum sem þetta skapar fyrir Íslenska hrossarækt.

Fundurinn með Þorvaldi fer fram þriðjudaginn 27. nóvember í Ársal, Ásgarði á Hvanneyri og hefst kl. 15:00. Fundurinn er öllum opinn og verður einnig sendur út á netinu fyrir þá sem ekki eiga heimangengt, sjá www.lbhi.is undir Útgáfa/Málstofa. Fundurinn er haldinn í samvinnu við Fagráð í hrossarækt.

Allir velkomnir meðan húsrúm leyfir.

Í dag er lokaskráningardagur á folaldasýningu, glæsilegir folatollir í verðlaun eins og sést í auglýsingunni hér aðeins neðar.

           Þér er hér með boðið á "herra og dömukvöld hmf Sindra", laugardaginn 24. nóvember nk á Ströndinni Víkurskála Vík.

            Húsið opnar klukkan 20:00 með fordrykk.

            Veislustjóri verður Hermann Árnason,

sem jafnframt ætlar að vera með frásögn í máli og myndum frá hestaferð norðan jökla  árið 2011.

            Heiðursgestur verður Kristinn Guðnason.

 Vinsamlegast tilkynnið þátttöku fyrir 18. nóvember nk, til Sindra eða Dóru í síma 8955738 eða dorajg@simnet.is

Með kveðju, fh hestamannafélagsins Sindra,

Ferða og fræðslunefnd.

Aldurstakamark er 18 ár.
Makar félaga eru velkomnir og kostar 5.000.- fyrir aðra en félagsmenn.
Snyrtilegur klæðnaður.

Kæru félagar

Við höfum verið í nokkrum vandræðum með að halda í tölvupóstlistana sem við höfum verið að setja upp hingað til en gerum nú enn og aftur tilraun til að halda lista sem gerir okkur fært að senda reglulega á ykkur tilkynningar um það sem er á döfinni hjá okkur. Ef þið viljið einhverra hluta vegna ekki vera á tölvupóstlistanum eða viljið að við sendum á annað tölvupóstfang, endilega sendið beiðni um það á isbud@simnet.is

Með kveðju

Vilborg

Námskeið:  Undirbúningur vetrarþjálfunar með Agli Þórarinssyni

Egill Þórarinsson er einn af reyndustu reiðkennurum landsins. Hann á að baki langan og farsælan feril að baki í reiðkennslu, þjálfun, sýningu kynbótahrossa og keppnishrossa.

Þetta námskeið er hugsað fyrir þá sem vilja undirbúa sig vel fyrir komandi þjálfunartímabil. Farið verður yfir atriði sem vert er að hafa í huga í byrjun vetrar, atriði sem snúa bæði að hesti og knapa. Nú er rétti tíminn til að vinna í því sem krefst nákvæmni og þolinmæði; leiðrétta taumsamband og höfuðburð, lengja og teygja á yfirlínu og styrkja bak. Námskeiðið verður einstaklingsmiðað og leitast verður eftir að meta hvern knapa og hest og leggja áherslu á að byggja og bæta grunninn í þjálfuninni sem síðan verður hægt að byggja áframhaldandi vetrarþjálfun á.

Kennarar: Egill Þórarinsson, reiðkennari og sýninga- og keppnisknapi.

Tímar: lau. 8. des. kl 9:30-19:00 (einkatímar) og sun. 9. des. Kl 9:00-17:00 (sýnikennsla, hópatímar, o.fl.) í Hestamiðstöð Lbhí á Miðfossum. Með fyrirvara um breytingar.

Verð: 26.500.- (kennsla, aðstaða fyrri hross, hádegissnarl á sunnudegi). Skráningarfrestur er til 3. des.

Skráningar:  endurmenntun@lbhi.is  eða í síma 433 5000 (fram komi nafn, kennitala, heimili og sími).

Staðfestingargjald: Staðfesta þarf skráningu með því að millifæra 7.000 kr (óafturkræft) á reikninginn 354-26-4237, kt. 411204-3590. Senda staðfestingu á netfangið endurmenntun@lbhi.is

Folaldasýning Hmf-Sindra

Hin árlega folaldasýning Hmf-Sindra verður haldin

í Skálakoti laugardaginn 24. nóv. og byrjar stundvíslega kl 11

Tekið er við skráningum til miðnættis 20. nóv hjá Andrínu

á e-mail: andrina@arcanum.is og í s: 858-3502.   

Skráningargjald á hvert folald er 1,000 kr.

Vinsamlega leggið inn á reikning 0317-26-7622 kt: 540776-0169 og sendið staðfestingu á greiðslu til: andrina@arcanum.is

ATH

Folald þarf að vera grunnskráð í WorldFeng og

í eigu félagsmanns til að geta tekið þátt.

Dómari verður Kristinn Guðnason

Að venju verður til mikils að vinna,

meðal vinninga verða tollar hjá eftirtöldum stóðhestum

Aldur frá Brautarholti

Arion frá Eystra-Fróðholti

Dimmir frá Álfhólum

Fursti frá Stóra-Hofi

Kórall frá Lækjarbotnum

Loki frá Selfossi

Þytur frá Neðra-Seli

Súpa og drykkjarföng á góðu verði í hléi.

Einnig verður happdrætti þar sem ásamt mörgum góðum vinningum er tollur undir gæðinginn Kjerúlf frá Kollaleiru !

Fyrir hönd Hmf-Sindra

Ferða- og fræðslunefnd