Nú auglýsum við eftir tilnefningum til knapa ársins og efnilegasta knapa ársins.

Hægt er að senda tilnefningarnar á netfangið isbud@simnet.is og solheimar2@gmail.com fyrir 15. febrúar. Koma þarf fram af hverju viðkomandi er tilnefndur og einnig helstu keppnir sem keppt hefur verið á árinu 2013 fyrir félagið.

Einnig er að losna sæti ritara í stjórn ef einhvern langar að bjóða sig fram þá er um að gera að láta okkur í stjórn vita.

Fyrsta vetrarmót Hestamannafélagsins Sindra verður haldið á Sindravelli laugardaginn 1. febrúar kl. 12.00.

Keppt verður í pollaflokki, barnaflokki, unglingaflokki, minna vanir og meira vanir (mótanefnd áskilur sér rétt til að sameina minna og meira vanir flokkana ef færri en 3 þátttakendur eru í flokki).

Skráningargjald er kr. 1.000 á hvern hest í meira og minna vanir en frítt fyrir polla, börn og unglinga.

Við skráningu er farið á Sindra-síðuna, www.123.is/sindri, þar er linkur inn á skráningarsíðuna (linkurinn heitir "SKRÁNINGAVEFUR" og er hægra megin á síðunni). Skráningu skal lokið fyrir kl. 20.00 þann 30. janúar.
Ef vandamál koma upp hafið samband við Atla í síma 869-4818.

Á vetrarmóti skal hafa eftirfarandi í huga:
Pollaflokkur: Frjáls aðferð sem stjórnað er af þul.
Börn/unglingar: Hægt tölt 1 hringur, 1-2 hringir yfirferðartölt eða brokk, stjórnað af þul.
Minna og meira vanir: 1 hringur hægt tölt, 1 hringur yfirferðartölt eða brokk og ein ferð á beinni braut frjáls (tölt/skeið/brokk), stjórnað af þul.

Hin árlega folaldasýning Hmf-Sindra verður haldin

Tekið er við skráningum til miðnættis 5. nóv hjá Dóru

á e-mail: dorajg@simnet.is og hjá Sindra í s: 894-7232  

Skráningargjald á hvert folald er 1,000 kr.

Vinsamlega leggið inn á reikning 0317-26-7622 kt: 540776-0169 og sendið staðfestingu á greiðslu til: dorajg@simnet.is

ATH

Folald þarf að vera grunnskráð í WorldFeng og

í eigu félagsmanns til að geta tekið þátt.

Dómari verður Kristinn Guðnason

Að venju verður til mikils að vinna !

Súpa og drykkjarföng á góðu verði í hléi.

Eflaust hafa mörg ykkar orðið vör við "okkur unglingana" á síðustu tveimur árum þegar við vorum að nurla saman krónum til þessarar háleitu en bráðskemmtilegu hugmyndar að fara hópferð til Berlínar á heimsmeistaramót íslenska hestsins. Krakkarnir unnu ötullega að fjáröflun ferðarinnar í tæp 2 ár, seldu klósettpappír, sælgæti og bakkelsi og unnu m.a. garðvinnu og fleira fyrir fólk af mikilli elju, vinnan skilaði sér þannig að þau áttu fyrir allri ferðinni, flugi, gistingu, HM-miðunum og uppihaldi alla dagana og gott betur, þau eiga núna afgang sem auðvitað verður nýttur vel;-)

Lagt var af stað í leiðangurinn þann 6. ágúst síðastliðinn og kemur stutt ferða saga hér:

Að kvöldi 6. ágúst hittist hópurinn, 10 unglingar og 6 fullorðnir á "bankaplaninu" í Vík, uppáklædd nýja einkennisfatnaðinum frá Víkurprjón, merkt í bak og fyrir af styrktaraðilum. Teknar voru myndir af mannskapnum sem síðan voru sendar á ýmsa fjölmiðla og hlutu mikla athygli, enda föngulegur hópur þarna á ferð ;-)

Eftir myndatöku var lagt "í'ann" og næsta stopp Keflavíkurflugvöllur. Inntékk og "boarding" gekk eins og í sögu svo að undir kl 01:00 var hópurinn kominn í loftið og rúmlega 3 tímum síðar vorum við mætt til Berlínar í 30 stiga hita að morgni til.
Heimsborgarnarir sem við erum skelltum okkur í samgöngutæki Berlínar eins og ekkert væri auðveldara og þykir nokkuð grunsamlegt að við skyldum ekki einu sinni hafa villst örlítið alla ferðina, en það verður jú að viðurkennast að meðal áhyggjuefna fyrir ferðina var að vera villtur á flakki um Berlín með 15 andarunga í eftirdragi

Fyrsti dagurinn var nýttur í skoðunarferðir þar sem við gátum ekki tékkað okkur inn á hótel fyrr en um 14:00. Við sáum m.a. Brandenburger hliðið, Berliner dom og fórum í 365 m háan útsýnisturn. Það sem mesta athygli vakti þó var fullt af "brand" búðum á torginu svo það varð strax ólga í mannskapnum að komast í búðirnar. Seinni part dagsins var HM svæðið tekið út og strax orðin mikil tilhlökkun að verja næstu dögum þar, næstu 4 dögum eyddum við svo í vellystingum á HM svæðinu og nutum sýninganna og stemmingarinnar. Það var því heldur tómlegt að yfirgefa HM svæðið á sunnudagseftirmiðdegi eftir endalausar gæsahúðasýningar.

Mánudagurinn var nýttur í verslunarleiðangur þar sem stærri hluti hópsins gjörsamlega missti sig í búðarrápi frá morgni til kvölds. Á þriðjudeginum fórum við svo í hinn 160 ára gamla dýragarð Berlínar og höfðum ofan af fyrir okkur með því að horfa á hinar fjölbreyttustu og forvitnilegustu dýrategundir, örlítið var kíkt í búðir á "laugavegi" Berlínar en að kvöldi var haldið á flugvöllinn og beinustu leið heim til Íslands. Það voru sælir en þreyttir ferðalangar sem lentu á Keflavíkurflugvelli undir miðnætti á þriðjudagskvöld og brunuðu svo heim á leið í næturhúminu.

Ferðin varð alveg hrein ævintýraferð sem heppnaðist alveg fullkomlega enda áttu þessir dugnaðarforkar okkar það fullkomlega skilið eftir allt harkið síðastliðin 2 ár, við getum aldeilis verið stollt af þessum einstaklega duglegu og frambærilegu einstaklingum sem við í hmf. Sindri eigum.

Við sendum styrktaraðilum okkar innilegar þakkir fyrir veittan stuðning og aðstoðina við það að láta drauminn verða að veruleika.

Með kveðju f.h. æskulýðsnefndar Sindra

Vilborg