Í dag fór fram Seinna vetrarmót Sindra og var það haldið í fyrsta sinn á Sindravellinum.
Þátttaka var mjög góð, 36 manns skráðu sig til keppni og eins og síðast tóku einhverjir þátt í tveim eða fleiri greinum.
Við fengum ágætis sýnishorn af íslensku vetrarveðri á meðan á keppni stóð og lenti unglingaflokkurinn verst í því. En af hörku og dugnaði keyrðu þau sig í gegn um mótið án þess að láta bilbug á sér finna og haglélið sem pollaflokkurinn reið í gegnum var ekkert grín.
Megum við vera stollt af þessum hörkutólum okkar.
Það voru margir sigurvegarar í dag, ekki bara þeir sem lentu í verðlaunasætum heldur einnig þeir sem unnu stóra persónulega sigra á; ótta, óöryggi, feimni eða bara hverju sem er, og tóku samt þátt í mótinu og stóðu sig frábærlega.
Að lokum sendum við fjölskyldu og aðstandendum Jóns Þórs Gunnarssonar samúðar- og stuðningskveðjur á þessum erfiðu tímum.
